Kronikë

Me moton ‘Ulni çmimet’, studentët e Universiteti Bujqësor të Tiranës, marshuan në këmbë nga Insituti, në drejtim të sheshi ‘Skënderbej’, në një protestë paqësore për të kërkuar sipas tyre ndërhyrjen të qeverisë me paketa lehtësuese për qytetarët. Marshimi studentëve drejt sheshit zgjati për rreth 2 orë

Një 29-vjeçar ka rënë në prangat e policisë ditën e sotme në Bulqizë, i akuzuar se ka përndjekur dhe shantazhuar një 31-vjeçare.

Një 36-vjeçar ka rënë në prangat e policisë ditën e sotme në Durrës, i akuzuar se mashtronte shtetas të huaj përmes Call Center, duke marrë shuma të mëdha parash.

Në protestat e zhvilluara ditën e djeshme në të gjithë vendin janë arrestuar 30 persona, janë në hetim 118 qytetarë dhe janë shpallur në kërkim 15 të tjerë. Ata akuzohen se kanë bllokuar rrugën dhe duke mos lejuar qarkullimin e mjeteve

51 qytetarët të vaut të Dejës janë proceduar penalisht pasi akuzohen se përmes mashtrimit kanë përfituar ndihmën ekonomike edhe pse nuk i plotësonin kushtet për marrjen e saj. Gjithashtu nën hetim është edhe administratorja sociale e bashkisë Vau i Dejës, për veprën penale “Shpërdorimi i detyrës”.

Dy protesta u zhvilluan sot në Korçë, fillimisht studentët e Universitetit "Fan Noli", të organizuar nga Këshilli Studentor bojkotuan mësimin dhe dolën në rrugë duke protestuar për rritjen e çmimit të biletave të autobusëve dhe ushqimeve të shportës. Disa orë më pas, pranë terminalit të Korçës u mblodhën dhjetëra qytetarë që tentuan të bllokojnë rrugën. 

Një 25-vjeçar është vënë në pranga të policisë së Tiranës, me profesion faturino pasi në bashkëpunim me dy persona të tjerë, falsifikonin dhe hidhnin në treg bileta të linjës së transportit publik Tiranë-Krrabë, të cilat nuk prodhoheshin në Shtypshkronjën e Letrave me Vlerë

Pas gati 1 viti e gjysmë në arrati si autor i 'Far-West' në qendër të Elbasanit, është arrestuar 27-vjeçari, Migert Qosja. I riu është autori që ka qëlluar në 25 nëntor të 2020 me armë zjarri në drejtim të Elvis Çaushllarit ose siç njihej ndryshe në zonë me nofkën “Vis Korçari” pas një sherri më njeri-tjetrin që kulmoi më pas me përdorimin e armëve.

Një zjarr i fuqishëm ka përfshirë pllajën e mbjellë me dru frutor në zonën malore të fshatit Virion. Zjarri është përhapur me shpejtësi, duke djegur deri tani 4 ha me dru frutore, ndërkohë që terreni i vështire malor e ka bërë të pamundur ndërhyrjen e mjeteve zjarrfikëse në zonë.