Kronikë

Një person është arrestuar nga Policia e Tiranës pasi akuzohet për armëmbajtje pa leje.

Blerona Hasa është zgjedhur gjyqtarja e re e Kolegjit Zgjedhore, duke plotësuar vakancës e krijuar nga Asim Vokshi. Zgjedhja e saj u bë me short nga Këshilli i Lartë Gjyqësor.

Report Ta ka siguruar foton e Fatime Sulit,64-vjeçarja që u mbyt nga komshiu i saj në Kuçovë. Ajo sot është përcjellë në banesën e fundit. 64-vjeçarja u gjet e hedhur në kanal, gjysmë e zhveshur dhe e mbuluar me gjethe.

Një 31-vjeçar është arrestuar nga policia e Kukësit, pasi është kapur duke shpërndarë droga të forta. Megjithëse ishte nën masën ‘arrest shtëpie’, kjo nuk e pengonte 31-vjeçarin me iniciale S.E, të shpërndante kokainë në sasi të vogla.

Raportohet se i riu S.Sh., në bashkëpunim me E.S., 19 vjeç, dhe një 14-vjeçar të arrestuar më parë, kanë vjedhur tri biznese private në Korçë.

Një 32-vjeçar është arrestuar pas thuajse një viti në kërkim, si autor i ngritjes së një shtëpie bari në Lushnje së bashku me 3 shokë të tjerë, të cilët ishin arrestuar më herët. Sot ra në pranga Klevis (Klajdi) Kasa, 32 vjeç, banues në Fiershegan, Lushnjë, duke e çuar në 4 numrin e të arrestuarve në kuadër të operacionit të koduar "Laboratori".  

Sot shënohen 11 vite nga 21 janari ku mbetën të vrarë katër protestues Aleks Nika, Ziver Veizin, Faik Myrtajn dhe Hekuran Dedën për të cilët ende nuk ka asnjë drejtësi. Protesta u zhvillur nga opozita, askohe PS kundër qeverisjes së PD. Prokuroria kërkon riekspertim për plumbin që vrau Aleks Nikën, ndërsa po verifkon edhe deklaratat fundit të bëra nga Basha dhe Berisha, që ia hedhin përgjegjësinë njëri tjetrin për këtë ngjarje të rëndë.

Fatime Suli, 64 vjeçe është gjendur e vdekur, e hedhur në një kanal pranë një plantacioni me sera, e zhveshur nga mesi e poshtë dhe e mbuluar me gjethe. Autor i ngjarjes së rëndë është komshiu i saj, i cili e ka mbytur, për shkak të borxheve që i kishte viktimës.

Një 22-vjeçar shqiptar rezulton i humbur në Francë, ndërsa dyshimet paraprake janë se ai është rrëmbyer për shkak të prishjes së pazareve të drogës. Përplasja për prishjen e pazareve mes grupeve kriminale ka bërë që rivalët e 22-vjeçarit të inskenojnë një aksident dhe ta rrëmbejnë atë.

Një 36-vjeçar ka rënë në prangat e policisë ditën e sotme në Paskuqan, pasi akuzohet se ka kanosur me armë zjarri një 39-vjeçar. Sipas policisë, 36-vjeçari me inicialet Sh. K. mbrëmjen e djeshme i ka dëmtuar mjetin 39-vjeçarit me inicialet M. D dhe më pas sot e ka kanosur me kallashnikov, që e kishte pa leje.

Dy hidrocentralet në luginën e Valbonës, të bllokuara nga përmbarimi gjyqësor me masë sigurie nga Gjykata e Lartë, vazhdojnë të prodhojnë energji elektrike dhe t’ia shesin OSHEE-së sikur të mos kishte ndodhur asgjë.

Një automjeti i është vënë tritoli mbrëmjen e sotme në fshatin Zallë të Krujës, por fatmirësisht nga shpërthimi nuk kanë mbetur persona të lënduar. Ngjarja u regjistrua rreth orës 19:20, ndërsa automjeti rezulton në pronësi të Lirim Talit, person i arrestuar për trafik droge, i cili aktualisht ndodhet në 'arrest shtëpie.

Me dekretimin e zgjedhjeve të pjesshme në 6 bashki të vendit, që do të zhvillohen më 6 mars, ka lindur nevojën e plotësimit të Kolegjit Zgjedhor, që do të vlerësojë procesion zgjedhor dhe ankesat nga partitë politike në lidhje me këto zgjedhje. Kolegji Zgjedhor përbëhet nga 8 anëtarë, por në të u krijua një vakancë me largimin e Asim Vokshit, i cili u bë gjyqtar i Gjykatës së Lartë.