Kronikë

Nga

Kujtim Topuzi

Atentat me viktima në kryeqytet. Pasditja e kësaj të shtunë është gjakosur në Tiranë, pasi në zonën e Astirit janë qëlluar për vdekje 2 persona, Erigers Mihasi 32 vjeç dhe Armand Dumani 26-vjeç,  brenda një makine tip audi luksoz i cili ishte në lëvizje. Në Thumanë është gjetur një automjet tip Toyota i djegur, i cili dyshohet se është i atentatorëve. Makina tip Audi që lëviznin vikimat, 30 minuta para ngjarjes është ndaluar nga policia dhe është lënë e lirë pranë Politeknikut në sheshin "Nënë Tereza".

Të tjera detaje të forta zbulohen në lidhje me pastrimin e parave të Cosa Nostra-s italiane përmes Shqipërisë, ku ishte i përfshirë edhe ish-biznesmeni shqiptar Rezart Taçi. Sipas dosjes së siguruar nga Report Tv 18 milionë euro ishin depozituar në dy llogari bankare të hapur pranë ‘Alpha bank’ në Tiranë dhe pastaj duhet të transferoheshin në Hong-Kong dhe Singapor, nëpërmjet një kompanie të Rezart Taçit, por SPAK e ka bllokuar operacionin. Llogaria ishte në emër të Francesco Zummo me shumën 18.399.996 euro. Ndërsa Taçi dhe ekonomisti italian Petruzzella do të fitonin 3 milionë euro nga ky operacion. Shuma vinte nga një bankë në Kantonin zviceran të Ticino.

Pavarësisht se 85% të aksidenteve në Shqipëri vijnë si pasojë e shkeljes së rregullave të qarkullimit rrugor, një aksident i rëndë është regjistruar në aksin rrugorë Fushë Krujë-Milot, ku një çiklist 65 vjeç ka humbur jetën.

Policia e Lezhës ka arrestuar 5 persona dhe 3 të tjerë i ka vënë në hetim në gjendje të lirë për shkak të moshës. Gjithashtu, vihet në pranga 30-vjeçari, për veprën penale 'Dhuna në familje'.

Po transportonte emigrantë të paligjshëm e nuk iu bind urdhrit të policisë, 20-vjeçari bën aksident te 'Uji i Ftohtë', arrestohet nga Policia

Një 38-vjeçare është proceduar penalisht nga policia e Tiranës. Sipas policisë ka rënë në pranga shtetësja A. Z, 38 vjeçe, sepse në rrugën “Kongresi i Manastirit”, në banesë, ka keqtrajtuar fëmijën e saj të mitur

Një zjarr i fuqishëm ka përfshirë Malin e Thatë në Korçë, ku si pasojë e flakëve deri më tani janë djegur rreth 10 hektarë kullotë.

Një aksident i rëndë ka ndodhur në Tiranë, pranë kthesës së Yzberishtit, ku mjeti ka përplasur një 13-vjeçar. Sipas policisë i mituri që është aksidentuar është dërguar në spital dhe ndodhet jashtë rreziku për jetën

Kontrollet për goditjen e lojërave të fatit kanë çuar në pranga 6 persona, 2 të tjerë janë vënë nën hetim dhe një tjetër është shpallur në kërkim. Operacioni i zhvilluar në kryeqytet ka përfunduar me sekuestrimin e mbi 99 mijë lekëve, 10 aparateve celularë, 11 kompjuter e lëndë narkotike kanabis.

Një person është arrestuar në Elbasan pasi është konstatuar ditën e djeshme duke transportuar dru pa leje. Ndërkohë, një 33-vjeçar është vënë nën hetim në Mat pasi po transportonte 5 metër kub të prera në mënyrë të paligjshme.

I penduari i drejtësisë i cili vuan dënimin në burgun e Drenovës është infektuar me Covid-19. Luftar Reçi ka rezultuar pozitiv para pak ditësh dhe për trajtim më të specializuar është transportuar në spitalin e Korçës, ditën e djeshme

Adrian Nuha me detyrë ish-shef policie është vënë në pranga nga policia e Sarandës pasi akuzohet për shpërdorim detyre

5 shtetas janë proceduar penalisht në Lushnjë të cilët morën pjesë në protestën e fermerëve. Sipas policisë janë vënë nën hetim penal shtetasit E. Sh., 43 vjeç, banues në Lushnjë, K. H., 23 vjeç, A. V., 41 vjeç, E. V., 36 vjeç, D. O., 34 vjeç, banues në fshatin Drenovicë, Berat. Këto shtetas ditën e djeshme në vendin e quajtur "Rotondo e Plugut" kanë bllokuar kalimin e mjeteve për rreth 15 minuta dhe kanë kundërshtuar me dhunë punonjësit e Policisë

Nga

Sokol Dema

Gjykata e Posaçme vendosi masën "arrest në burg" për Gani Shehun, ish-drejtorin Juridik të Burgut të Peqinit. Shehu ka pranuar në gjykatë se ka qenë ai personi që ka përpiluar shkresën për Viktor Ymerin bazuar në komunikimet që ka pasur me shefat e burgjeve në lidhje me vendet ku ka kryer dënimin.

Katër punonjës të Inspektoriatit Vendor të Mbrojtjes së Territorit në Bashkinë Patos janë proceduar penalisht për shpërdorim detyre. 

Një 35-vjeçar është arrestuar ditën e sotme pasi qarkullonte me armë zjarri me vete. Ai nuk ka pranuar t'i ushtrohet kontrollit të policisë dhe ka tentuar të largohet me vrap duke hedhur nga çanta e dorës armën e zjarrit pistoletë që mbante me vete.

Vjedhja e një banese mëngjesin e ditës së djeshme ka çuar në pranga hajdutin profesionist të shtëpive në kryeqytet. 51-vjeçari, Aleksandër Ndrelalaj ishte i shpallur në kërkim, ndërsa rezulton i dënuar më parë për të njëjtën vepër penale, "vjedhja".

Një aksident automobilistik ka ndodhur në Ujin e Ftohtë në aksin nacional Tepelenë-Gjirokastër. Një autoveturë ishte duke ardhur nga Saranda në drejtim të Tiranës dhe është përplasur me një tjetër automjet që vinte në drejtim të kundërt