Kronikë

Presidenti Ilir Meta ka zhvilluar një takim me ambasadorin e Çekisë, Jaroslav Ludva. Përmes një postimi në Facebook, Meta bën me dije se ka shprehur mirënjohjen për mbështetjen e ofruar nga Çekia për të shuar zjarret që kanë përfshirë vendin tonë përmes helikopterit të mbërritur 4 ditë më parë.

E mërkura pritet që të sjellë rreshje shiu në disa zona të vendit, por temperaturat do të vijojnë të jenë të larta.

Një makinë ma marrë flakë në ecje duke u shkrumbuara totalisht në Qafën e Thanës.

Djegia e gomave një natë më parë ka shkaktuar një katastrofë ekologjike për qytetin e Fushë Krujës. Zjarri i përmasave të mëdha për djegien e gomave vuri në rrezik edhe banesat teksa u deshën orë të tëra për ta vënë nën kontroll. Por skandali merr përmasa dhe më të rënda kur konstatojmë se një situatë të tillë e ka jashtë kontrollit edhe Agjensia Kombëtare e Mjedisit, e cila nuk është parë në zonë për të monitoruar gjendjen, teksa këto goma të grumbulluara përdoreshin për furrat e paligjshme të gëlqeres.

Autorët e djegies së bimësisë dhe pyjeve nga veriu në jug po shkojnë drejt hekurave. Ndërsa vendi po përballet me flakët prej ditësh, nga data 25 korrik deri më datën 10 gusht, në të gjithë vendin janë arrestuar 15 "piromanë", nën hetim janë vënë 16 persona ndërsa në kërkim janë 2 të tjerë

Në këtë sezon të ri shkollor do të përfitojnë libra falas edhe klasat e 8 dhe klasat e 9. Ky lajm është bërë me dije nga ministrja e Arsimit, Evis Kushi përmes një postimi në rrjetet sociale.

Bashkëshorti i modeles shqiptare Angela Martini është arrestuar ditën e sotme në ishullin e famshëm grek Mykonos. Mediat greke shkruajnë se Dragos Savulescu u arrestua së bashku me një person tjetër ndërsa kanë bërë një jetë luksi në Greqi duke harxhuar mijëra euro.

Zv/kryeministri Erion Braçe i konsideron zjarrvënësit terroristë dhe kërkon ndëshkim për ta me tolerancë zero, ndërsa u bën apel qytetarëve  që të denoncojnë raste dhe kush ka mundësi të bashkohet për shuarjen e tyre.

Gjenerali i mirënjohur Nexhip Vinçani ka marrë dekoratën e lartë “Nderi i Kombit” (pas vdekjes). Lajmin e ka bërë me dije gjenerali Piro Ahmetaj, i cili shkruan se me propozimin dhe insistimin e Aleancës Kombëtare të Ushtarakëve të Shqipërisë, më në fund është zyrtarizuar “Nderi Kombit” (pas vdekjes) për Gjenerali Vinçani.

5 persona janë arrestuar, pasi akuzohen për kultivimin dhe shitjen e kanabisit në zonën e Patosit dhe Fierit. Trafikantët kishin përshtatur një ofiçinë të vjetër në Patos në ambiente për mbajtjen, përdorimin dhe shitjen e kanabisit. Në kuadër të operacionit të koduar “Ofiçina”, u sekuestruan 6 doza kokaine, 7 kg kanabis,  5 automjete dhe 6 aparate celularë.

Administratori i firmës "Fish Co",  Denis Doda  është lënë në burg, pasi në kontejnerit që kishte porositur nënprodukte të peshkut u gjetën 7 kg kokainë e fshehur në kapakët e ventilimit. Vetë Denis Doda, ka mohuar të ketë dijeni apo të jetë i implikuar në trafikun e drogës, duke hedhur poshtë pretendimet e organit të akuzës.

Deputeti i opozitës, Myslim Murrizi ka depozituar sot në SPAK një kallëzim penal për abuzimin me dy tendera në Divjakë. Murrizi hedh akuza për abuzim me paratë publike lidhur me dy tendera, atë 6 milionë euro per projektin e sistemit te ujitjes në Divjakë për ujitjen e 2800 hektareve tokë dhe për tenderin 4.5 milionë euro për blerjen e 1912 lopëve nga Danimarka.

Karaburuni nuk po gjen qetësi nga flakët sapo fiken një vatër, riaktivizohet një tjetër e re. Kjo sipas Ministrisë së Mbrojtjes por edhe kreut të Emergjencave Haki Çako bëhet qëllimisht nga persona me sjellje kriminale.

Dy vëllezër janë shpallur në kërkim në Krujë pasi kultivonin kanabis në një tokë në pronësi të tyre. Burime për Report Tv bëjnë me dije se dy vëllezërit janë identifikuar si Flamur Çangu, 47 vjeç dhe Altin Çangu, 38 vjeç.

31 vjeçari Hamdi Llana është arrestuar në Durrës pasi 2 ditë më parë ka tentuar të vrasë me armë zjarri  25 vjeçarin Ilges Spaneshi.

Ipeshkëv i Rrëshenit, Dom Gjergj Meta ka folur për situatën e zjarreve në vend ku ka bërë një apelim të qytetarëve që të ndërgjegjësohen dhe të mbrojnë natyre. Dom Gjergj Meta shkruan se zjarret po përsëriten çdo vit duke dëmtuar seriozisht faunën dhe florën për shkak të papërgjegjshmërive njerëzore dhe kjo për të është kriminale.