Kronikë

Politika shqiptare ka uruar ditën e sotme festën e Kurban Bajramit, një festë e shenjtë për të gjithë besimtarët myslimanë.

Vendi ynë vijon me alternime kthjellimesh dhe vranësirash të herë pas hershme, ku më të shpeshta vranësirat mbeten në zonat veriore dhe lindore atu ku gjatë mesditës nuk do të mungojnë reshjet e pakta të shiut. Orët e vona të pasdites sjellin mbizotërim të kthjellimeve në vend.

Kjo e martë është dita më e shenjtë për besimtarët myslimanë, të cilët kremtojnë sot Kurban Bajramin. Mijëra besimtarë myslimanë kanë marrë pjesë sot në ritin e faljes së Kurban Bajramit në të gjitha qarqet e vendit.

Policia e Shkodrës ka arrestuar sonte biznesmenin Isuf Isufi. Ai është arrestuar gjatë një kontrolli të befasishëm të bluve të Shkodrës të cilët gjatë kontrollit i kanë gjetur atij një pistolete pa leje

Regjisori Edmond Budina, thotë se në vendimin e Gjykatës Kushtetuese për Teatrin Kombëtar , kërkohet që të rindërtohet ashtu siç ishte më parë në të njëjtin vend. I ftuar në emisionin ‘5 Pyetjet nga Babaramo’, përfaqësuesi i Aleancës për Teatrin, tha se Gjykata Kushtetuese, vendosi që prona të kalojë tek Ministria e Kulturës, ashtu siç ishte më parë. Nëse ka drejtësi thotë Budina, Teatri duhet të rindërtohet aty ku ishte, dhe ato që e kanë prishur duhet ta ndërtojnë me shpenzimet e tyre

Gazetari Reldar Dedaj, i cili ishte kandidat për në Këshillin Kombëtar të Partisë Demokratike, në një shkrim të botuar sot në media me titull 'Si e krijuam Frankenshtajnin në PD' ka analizuar karrierën e Sekretarit të Përgjithshëm në PD Gaz Bardhi. Ai shkruan se Bardhi ka punuar vetëm tre muaj si ministër teknik në jetën e tij politike dhe sot udhëton me një fuoristradë e llojit “Benz”, me një vlerë rreth 20 mijë euro.

32.760 doza të vaksinës Pfizer kanë mbërritur mbrëmjen e sotme në Aeroportin 'Nënë Tereza'. Lajmin e ka bërë me dije kryeministri Edi Rama i cili thekson se në vendin tonë kanë ardhur gjithsej 1.611.550 doza vaksinash.

Pronarët e bareve dhe restoranteve në Vlorë si dhe operatorët turistikë janë të pakënaqur me vendimin e Komitetit Teknik të Ekspertëve, për të shtyrën orarin e muzikës me një orë

Edhe pse nuk u pikas nga autoritetet e Portit të Durrësit, 1 kg kokainë e pastër e cila në treg do të shkonte deri në 400 mijë euro, nuk i 'shpëtoi' dot autoriteteve italiane.  Kontrolli i zyrtarëve të Portit të Brindizit në Itali ka zbuluar drogën e fshehur në një kamion shqiptar.

Aeroporti ‘Nënë Tereza’ sugjeron që qytetarët të cilët duan të udhëtojnë jashtë vendit të paraqiten 3 orë më përpara udhëtimit në aeroport. Në një postim në rrjetet sociale nga TIA, ky sugjerim vjen për shkak të rritjes së fluksit të pasagjerëve, që udhëtojnë nga aeroporti ‘Nënë Tereza’, në këto ditë të sezonit veror

Një tjetër rast humbje denoncohet në emisionin ’Pa Gjurmë’ në Report TV, ajo e Esmeralda Pura, 22-vjeçarja nga Pogradeci, rezulton e humbur që prej datës 13 korrik të këtij viti. Ngjarja ka ndodhur në pikën kufitare të Qafë-Thanës, kur Esmeralda sëbashku me bashkëshortin Ismail Isnov dhe dy fëmijët e mitur 1 dhe 3 vjeç, sapo kishin kaluar doganën shqiptare, ndërsa ktheheshin në banesën e tyre në fshatin Strumnicë të Maqedonisë së Veriut.

Presidenti Ilir Meta ka reaguar pas protestës së mbajtur nga biznesmenët në Vlorë të cilët kanë kërkuar heqjen shtyrjen e orarit të muzikës dhe heqjen e orës policore. Presidenti Meta shkruan se dhuna është e papranueshme dhe e dënueshme, sidomos dhuna ndaj femrave teksa thekson se protesta paqësore garantohet nga Kushtetuta. Sipas tij, dialogu i sinqertë dhe bashkëpunimi me shtetin është mundësia për të arritur një zgjidhje.