Kronikë

Banorët e fshatit Visokë në Mallakastër kanë dalë sot në protestë. Shkak është bërë rruga kryesore e fshatit e cila sipas banorëve ka qenë e mirë por me ndërhyrjen e kompanisë private të naftës, "Terra oil"  ajo është prishur. Banorët deklarojnë se kjo ka sjellë ndotje jo vetëm nën tokë por edhe mbi tokë

Kanë mbërritur në Aeroportin Nënë Tereza 20 mijë doza të vaksinës Astrazeneca, dhuratë e  qeverisë së Greqisë për Shqipërinë. 

Ministrja e Shëndetësisë Ogerta Manastirliu ka ndarë në faqen e saj në Facebook lajmin e mirë për një operacion të vështirë, i cili është realizuar me sukses në QSUT.

Italia lë në fuqi masat aktuale për lëvizjen e shtetasve shqiptarë deri më 30 Korrik. Lajmi është bërë i ditur nga Ambasada Italiane në vendin tonë, ku në një njoftim zyrtar rezulton se masat aktuale do të qëndrojnë në fuqi deri më 30 Korrik.

SPAK i kërkon Gjykatës së Posaçme kundër Korrupsionit të konfiskojë 32 pasuritë e Ylli Ndroqit, mes të cilave edhe televizioni Ora News dhe Channel One. SPAK shprehet se nga llogaritja e të ardhura personale të Ylli Ndroqit nga kompanitë e tij dhe shpenzimet që kryen ka rezultuar se ai nuk mund të justifikojë dot 3 milionë euro. Kjo ka qenë dhe arsyeja që SPAK t'i kërkojë GJKKO konfiskimin e pasurisë.

"Tifozët Kuq e Zi" në bashkëpunim me "Vullnetarët për Atdhe të pastër" kanë ndërmarrë një aksion pastrimi të bregdetit jonian

Report Tv mëson detaje nga ngjarja e djeshme ku u gjet i pajetë Fridman Xhaferraj. Sipas burimeve nga policia bëhet me dije se janë 2 pista hetimi, ajo kryesorja e prishjeve të pazareve të drogës, dhe nuk përjashtohet as pista e vrasjes për motive banale

14 persona janë arrestuar në Tiranë, në operacione të ndryshme për vepra të ndryshme penale. 4 prej personave janë arrestuar pasi u kapën me kanabis, 2 të tjerë për dhunë në familje, 6 për drejtim të mjetit në gjendje të dehur dhe pa patentë, ndërsa është vjedhur edhe një furrë buke.

Një 40-vjeçar, banues në Tiranë, është vënë në pranga të policisë së Gjirokastrës pasi po transportonte disa emigrantë të paligjshëm, kundrejt fitimit

Një 32-vjeçar me iniciale A.V është arrestuar nga policia e Durrësit pasi është përfshirë në një akisident të trefishtë ku kanë mbetur të plagosur katër persona, mes tyre edhe dy foshnje

Dita e sotme në vendin tonë pritet të ndikohet nga mot i kthjellët dhe me temperatura në rritje

Vetë ambasadorja Kim ka postuar në rrjetet sociale një foto gjatë peligrinazhit dhe shprehet se ka bërë edhe një lutje të veçantë. Kim tregon se nuk e kishte imagjinuar kurrë se do të gjente në Shqipëri “Anthony of Padova”.

Një aksident i rëndë ka ndodhur ka ndodhur në Qafën e Llogarasë, në Vlorë, ku një automjet ka dalë nga rruga. Si pasojë e aksidentit kanë mbetur të plagosur 3 persona, ndërkohë që raportohet për dy qytetarë në gjendje të rëndë

Një 29 vjeçar i identifikuar si Arlind Dyli është gjetur i pajetë në një banesë dykatëshe të pabanuar në Shkodër në lagjen "Ahmet Haxhija"

Sezoni turistik veror në Korçë është çelur me festivalin ndërkombëtar të karnavaleve. Të veshur me kostume e maska, 25 grupe të ndryshme sollën për qytetarët dhe turistët e shumtë argëtim e festë

Një zjarr ka rënë në një banesë në rrugën ‘Niko Avrami’ në Tiranë. Zjarri ka rënë si pasojë e lënies së bombolës së gazit ndezur në banesën private të shtetasit E. K

Prej më shumë se një viti banorët e lagjes ‘Spitali’ në Lezhë jetojnë mes ujërave të zeza që kanë vërshuar në rrugë. Sipas tyre problematika është shfaqur me nisjen e punimeve të rindërtimit të maternitetit të qytetit. Ndërsa pavarësisht ankesave ende nuk ka marrë zgjidhje kjo situatë.

Rruga në Fushë Milot të Kurbinit ka degraduar në të gjithë gjatësinë e saj. Ky segment prej 3 km është kthyer në makth për qytetarët që e frekuentojnë, pasi në të gjithë gjatësinë e saj gropat janë prezentë. Banorët thonë se janë ankuar, por askush nuk ka marrë masa