Kronikë

Një aksident ka ndodhur mesditën e sotme në Vlorë, ku dy nxënëse shkolle kanë mbetur të plagosur. Aksidenti ka ndodhur pranë spitalit të Vlorës

Një tjetër divorc ka sjellë vrasje në mes të Tiranës, pranë gjykatës. Mexhit Picari ka vrarë në mes të lokalit, bashkëshortin e vajzës në proces divorci, Kudret Saliaj, në përfundim të seancës së 5. I plagosur, jashtë rrezikut për jetën, mbeti dhe avokati i viktimës, Adriatik Cama

Në zbatim të ligjit të ri “Për sigurimin e detyrueshëm në sektorin e transportit”, Autoriteti i Mbikëqyrjes Financiare ka hartuar projektrregulloren “Për mënyrën e administrimit dhe pagesave të dëmeve Fond Kompensimi me datë aksidenti përpara hyrjes në fuqi të ligjit nr. 32/2021”. Ky dokument do t’i nënshtrohet procedurës së konsultimit publik përpara se të miratohet nga Bordi i AMF-së. 

Ministrja e Shëndetësisë, Ogerta Manastirliu ka dhënë lajmin e mirë se pas 50 ditësh ‘lufte’ në terapinë intensive, bebi Enxhi, që lindi në javën e 27, vetëm 1000 gr, ka arritur të fitojë betejën me jetën.

Bashkia e Tiranës ka rimarrë dje zyrat e Frymës së Re Demokratike, të cilat ia kishte dhënë me qira, pa asnjë incident.

Sofokli Shani, 57-vjeçari që vrau Hirakli Qorrin dhe plagosi të birin e tij Kejdi Qorrin është lënë në burg nga gjykata në Lushnje. Shani ka pranuar krimin dhe ka deklaruar se ai e ka kryer aktin në gjendje të dehur, ndërkohë që ka kërkuar edhe gjykim të shkurtuar

Edhe pse një aks i rikonstrukturuar gjatë viteve të fundit, një problematikë që po kthehet në shqetësim për qytetarët në aksin Elbasan-Cërrik është vjedhja e kapakëve të pusetave. Qytetarët thonë se ndihen të rrezikuar të kalojnë në rrugë se mos bien në puseta, veçanërisht gjatë mbrëmjeve

Në Lushnje është gjetur një makinë që dyshohet se i përket atentatorit të Edison Begajt në Vlorë. Reportv Tv mëson se makina është gjetur pak orë pasi është qëlluar ndaj Begajt dhe brenda edhe uniforma e policisë të cilën e kishte veshur autori kur qëlloi. Makina e gjetur e braktisur në zonën e Imshtës në Lushnje nuk është raportuar nga policia.

Pas orëve të gjata kërkimi, është bërë e mundur gjetja e 2 turistëve  nga Suedia dhe Rusia të cilët kishin humbur që prej mbrëmjes së djeshme. Lajmi konfirmohet për Report Tv nga Zenel Kuçana, prefekti i Kukësit.

Apeli i GJKKO-së ka lënë në burg ish-cgjyqtaren e Krujës Enkelejda Hoxhën, e cila u arrestua pak muaj më parë pasi u kap në flagrancë duke kryer korrupsion

Dy shtetas janë arrestuar në Sarandë për kultivim të lëndëve narkotike.

Kreu i SPAK Arben Kraja zbuloi se mbi 1 mijë persona janë vënë në përgjim gjatë vitit 2020, shumica prej të cilëve për korrupsion. Në një seancë dëgjimore në kuvend, Kraja tha se mungesa e prokurorëve pengesë për punën e SPAK.