Kronikë

IKMT ka prishur një mur rrethues të një objekti në ndërtim e sipër në autostradën Fier-Vlorë në afërsi të Novoselës.

Burime zyrtare nga Policia e Shkodrës bëjnë me dije se në pranga kanë rënë 26-vjeçari me inicialet G.H., dhe 46-vjeçarja me inicialet D.Ç.. Sipas raportimeve, gjatë kontrollit të ushtruar nga efektivët e policisë në një kasolle, u gjetën 7 kilogramë kanabis.

Provat biologjike të gjetura në ambientet e brendshme të vilës së biznesmenit Nazmi Çangu, i cili u grabit nën kërcënimin e armës dy ditë më parë pritet të çojnë hetuesit deri tek identiteti i grabitësve.

Teksa puna për goditjen e veprimtarisë së paligjshme në fushën e narkotikëve, policia e Vlorës ka arrestuar 58-vjeçarin, L.Ll.

Vdekja e djalit të tij disa vite më parë gjatë një aksident më makinë ku udhëtonte me 39-vjeçarin Genc Koretën ka qenë shkak i debateve të shpeshta që ai ka pasur me xhaxhanë e tij, të atin e viktimës Jorgji Koreta. Aksidentin tragjik vetë 39-vjeçari nuk kishte mundur ta përballonte dot dhe që atëherë vuante nga një gjendje e rënduar psikologjike. Ky ka qenë shkaku i vrasjes së ngjarjes së djeshme në Vlorë, ku nipi Genci Koreta, 39 vjeç vrau me armë gjahu xhaxhain Jorgji Koreta, 64 vjeç dhe më pas veten.

Nga

Arsen Rusta

Gjykata e Lartë shtyn seancën për Lulëzim Berishën, ish kreun e bandës së Durrësit. Për të gjykata e Lartë shqyrton një rekurs të prokurorisë së Durrësit lidhur me lirimin e tij me kusht në vitin 2016.

Nga

Arsen Rusta

Teksa nuk dihet ende shkaku i helmimit, numri i pacientëve të paraqitur në spitalin e Krujës për të kërkuar ndihmë shëndetësore ka shkuar në rreth 370, me stë cilëve 70 fëmijë. Kjo u bë me dije nga drejtoresha e spitalit, Yllka Sheta, e cila u shpreh se kjo situatë ka filluar që të dielën në mëngjes. Ndërkohë, një pacienti i shtruar në spitalin thotë se kjo është situatë e përsëritur, pasi  të njëjtat simptoma helmimi kanë patur edhe 3 muaj me parë.

Një 59-vjeçar ka rënë në prangat e policisë në Berat, pasi u kap duke shpërndarë kokainë. Policia bën me dije se 59-vjeçari me inicialet A.Z, ishte në 'arrest shtëpie', por duket se kjo nuk e ka ndaluar atë jo vetëm të lëvizë lirshëm në qytet, pro edhe të kryej sërish krime.  

45.5 kg e dyshuar heroinë është sekuestruar në Portin e Durrësit, teksa ishte vendosur në një kamion të ngarkuar me krom, me destinacion shtetin fqinj Italinë. Operacioni ‘Portëz’ ka vënë 2 persona në pranga, pronarin e kamionit Arian Çerma  45 vjeç nga Durrësi dhe drejtuesin e mjetit Olgert Duda 36 vjec nga Fieri. Lënda narkotike ishte e ndarë për tre marrës të ndryshëm, ku pakot ishin bërë me shenjë, një pjesë e të cilave kishin mbishkrimin 'banane', të tjerat ishin shënuar me një shirit të zi dhe disa me një kryq të bardhë.

Një autobot me naftë është përmbysur mbrëmjen e djeshme në Qafë Thanë, duke bërë që karburanti të derdhet në rrugë. Fatmirësisht nuk pati persona të lënduar, ndërsa nafta e derdhur në rrugë shkaktoi ndotje ambienti dhe vështirësi në qarkullim për disa orë.

Një 30-vjeçare ka mbetur e plagosur ditën e sotme në Gjirokastër si pasojë e një aksidenti. Ngjarja u regjistrua në aksin nacional Gjirokastër-Kakavije, në afërsi të fshatit Dervician, ku autobusi i linjës Libohovë-Tiranë , me drejtues shtetasin A. Gj., ka dal nga rruga.