Kronikë

Kryebashkiaku Erion Veliaj ka inspektuar  ecurinë e punimeve për ndërtimin e dy shkollave të reja në në Kamëz ku edhe theksoi se kanë si synim hapjen e tyre brenda kërij viti. Shkollat “Nënë Tereza” dhe “Kennedy” do të ofrojnë tre ciklet për nxënësit e zonës së Kamëz, duke filluar që me parashkollorin, 9-vjeçaren dhe më pas gjimnazin.

E pranishme në pikën kufitare të Qafë Thanës, ambasadorja e SHBA, Yuri Kim, ka theksuar edhe njëherë mbështetjen e Amerikës për vendin tonë. Në pikën kufitare të Qafë Thanës u mbajt sot një ceremoni për bashkëpunimin rajonal, ku USAID dha 100 mijë dollarë për pajisje për doganierët shqiptarë dhe ata të Maqedonisë së Veriut, ndërsa në fjalën e saj, Kim u shpreh se ndihma e SHBA, po e bën Ballkanin Perëndimor më të sigurt.

Policia e Tiranës ka arrestuar të riun Elson Syla dhe ka shpallur në kërkim Idriz Shahun, pasi kanë tentuar të transportojnë emigrantë në mënyrë të paligjshme kundrejt shpërblimit.

Në një sipërfaqe gati 100 metra katrorë është zbuluar një  varr ku janë të varrosur 4  trupa dhe një tjetër pak më matanë. Trupat janë gjetur nga firma ndërtuese e cila merret me shtrimin e rrugës në lagjen e re të Përmetit Firma ndërtuese ka informuar autoritetet policore dhe këto të fundit  kane rrethuar zonën në fjalë.

Një 70-vjeçar, pushues nga Kosova, ka humbur jetën mesditën e sotme në Shëngjin, pasi u mbyt në ujërat e bregdetit të Kunes, ndërsa ishte futur për t'u larë.

Për kapje me lëndë narkotike dhe drejtim të automjetit në gjendje të dehur, policia e Tiranës ka arrestuar 4 person.

Për ambasadoren e SHBA, Yuri Kim të rinjtë kanë aftësinë që të ndihmojnë në të e të ndikojnë në drejtimin e vendit.

Individë që do të vendosen në çdo institucion publik do të kenë detyrën e vetme që të bëjnë të mundur denoncimin e çdo akti korruptiv për të ndarë 'të njomin nga i thatë', siç i quajti Kryeministri Rama trë korruptuarin nga atë që e bën në mënyrë të ndershme punën e tij. 

Vendoset sot guri i themelit për ndërtimin e maternitetit të ri të Tiranës “Mbretëresha Geraldinë”, ku i pranishëm është kryeministri Edi Rama dhe ministrja e Shëndetësisë, Ogerta Manastirliu.

Në dosjen e përgjimeve, të siguruar nga gazetari i "Report Tv", Arsen Rusta, del edhe një bisedë që Beu ka zhvilluar me nënë e saj, ku i thotë se Voda i kishte siguruar se mjaftonte të 'fuste këmbën' në Ministri, pasi më pas do të rritej në detyrë.

Administratori  dhe pronari i kompanisë shqiptare D&E Shpk, një prej operatorëve që fitoi tenderin me uniformat e Policisë së Shtetit, Ismail Kadiu, ka reaguar publikisht pas hetimeve dhe arrestimeve të fundit. Kadiu hedh poshtë aludimet në media se asnjë e dhënë e publikuar nuk është e vërtetë duke e cilësuar një fushatë shpifje dhe për këtë kërkon që të priten deri në fund hetimet e drejtësisë.