Kronikë

Në 24 orët e fundit nuk ka asnjë humbje jete nga COVID-19 në vendin tonë. Ministria e Shëndetësisë raporton se janë shënuar 5 raste të reja infeksioni. 

Nga

Sokol Dema

Eksperti i Sigurisë Rrugore, Mamir Hodo, për uljen e numrit të aksidenteve nuk e sheh zgjidhjen në rritjen e vlerës së gjobave me ndryshimet e reja të Kodit Rrugor. Sipas tij, për t’u zgjidhur problemi duhet të krijohet një agjenci kombëtare e sigurisë rrugore, e cila të hartojë dhe ndjekë politikat e sigurisë.

Optimist u shpreh mjeku Ilir Alimehmeti në lidhje me situatën e COVID në vend, jo vetëm për javët në vijim, por edhe për muajt e vjeshtës. Në "Report TV", ai tha se vaksinimet e kryera dhe numri i personave që e kanë kaluar tashmë sëmundjen, do të bëjnë që të kemi një vjeshtë të qetë dhe aspak të ngjashme me atë të vitit të kaluar.

Kjo fundjavë ka shënuar fluks të lartë pushuesish edhe në Vlorë. Rradhë të gjata makinash ka pasur në aksin Orikum-Vlorë gjatë diës së sotme.

Nga

Armand Xhelili

Jeta nuk ka qenë aspak e lehtë për Ilir Kacanin nga Novosela. Babai i dy fëmijëve është me aftësi ndryshe ndaj nuk mund të punojë. Por e ka gjetur mënyrën për të patur një jetë aktive, duke krijuar objekte artizanale. "Për të vazhduar me dëshirën që kam vetëm të më krijojnë një mundësi për vizitë për sytë sepse e kam shumë të vështirë, shikimi po më zbehet fare”, thotë Ilir Kacani

Këtë të diel qyteti i Pogradecit ka çelur sezonin turistik veror, me një kalendar të pasur aktivitetesh, ndërsa nuk mungoi edhe panairi i punimeve artizanale dhe produkteve bio.

Operacioni do të fillojë njëherësh në dy zona të ndryshme, Ksamil dhe Velipojë, duke vijuar më pas në drejtimet respektive me prishjen e objekteve zonë pas zone. Në zonën e Velipojës janë planifikuar të prishen rreth 15 objekte të tilla, ndërsa në Ksamil rreth 30.

Gjatë së premtes dhe të shtunës, në pikën e kalimit kufitar të Morinës, nga Kosova për në Shqipëri, kanë kaluar 41 mijë e 146 persona dhe rreth 12 mijë automjete, bazuar në të dhënat e Policisë së Kosovës.

Investimet në bujqësi vijojnë për të lehtësuar punën e fermerëve në zonat e Librazhdit në prag të sezonit të vaditjes.

Hajdutët ndonjëherë kanë sens humori të pabesueshëm. Së paku kështu bindesh nëse lexon kallëzimin e dorëzuar para oficerit të policisë në Vorë me inicialet A. M. ku i dëmtuari tregon çast pas çasti se si u vodh dhe se si hajdutët e ndaluan atë që mos ti ndiqte me vetëm një veprim.

Gjykata ka caktuar masën e sigurisë “arrest në shtëpi” për Luftar Panahorin, shoferi i cili shembi urën e Darëzezës, pasi kaloi mbi të me një kamion me ngarkesë prej 50 ton, ndërsa ura mbante deri në 15 ton.

Ka nisur sot në zonën e Reçit në Shkodër fushata e hedhjes së insektit që lufton 'grerëzën e zezë' të gështenjave. Kyeministri Edi Rama shkruan se kjo metodë është e certifikuar nga BE dhe siguron ruajtjen dhe mirëmbajtjen pa pasur nevojën e përdorimit të kimikateve duke garantuar cilësinë e këtij produkti. E pranishme në nisje të fushatës, Ministrja e Bujqësisë Milva Ekonomi theksoi angazhimin e saj për ta çuar këtë  praktikë deri në fund.

Ministrja e Shëndetësisë dhe Mbrojtjes Sociale Ogerta Manastirliu, duke ndjekur nga afër trajnimin e stafeve mjekësore që do të punojnë në qendrën shëndetësore verore në Shëngjin, ka bërë me dije 29 qendrat do të jenë gati për të ofruar shërbim 24 orë në 7 ditë të javës, duke filluar nga 15 qershori.

Nga

Sokol Dema

"Report Tv" mëson detaje të reja në lidhje me vrasjen e dy ditëve më parë të Kudret Saliajt në afërsi të Gjykatës Civile të Tiranës. Ka dyshime se Dhurata Saliaj ka kryer vëzhgimin e ish-bashkëshortit para se i ati i saj ta vriste dhe ajo ka njoftuar të atin për çdo lëvizje të viktimës.

Dy persona, të shpallur në kërkim kombëtar, janë arrestuar ditën e sotme në Vlorë, të cilët akuzohen se kanë ndihmuar emigrantët e paligjshëm për të kaluar kufirin. 

Një karburant në autostradën Tiranë-Durrës ka rënë pre e grabitjes mëngjesin e sotëm. Policia bën me dije se ngjarja u regjistrua në Fllakë, ku dy persona i kanë marrë me dhunë një sasi lekësh personit i cili mblidhte lekët e xhiros.

Tre persona janë arrestuar mëngjesin e sotëm në Elbasan dhe janë shpallur në kërkim dy të tjerë, të akuzuar për kultivim kanabisi. Në pranga kanë rënë Mevlan Balla 32 vjeç, Dashamir Balla 39 vjeç dhe Frederik Gaçi 47 vjeç, banues në fshatin Krrabë e Madhe, ndërsa në kërkim janë shpallur L. B., 30 vjeç dhe I. B., 83 vjeç, banues në fshatin Krrabë e Vogël.

Mjeku infeksionist Tritan Kalo shkruan se tashmë vendi e ka kaluar fazën kritike të kësaj pandemie dhe se tashmë është koha që vendi të rigjallërohet si në aspektin psikologjik, social dhe atë ekonomik.