Kronikë

Nga

Arsen Rusta

Tire Alldervishaj, sanitarja e COVID-2 që merrte para duke premtuar kujdes për pacientët kishte një rrjet bashkëpuntorësh jashtë spitalit të cilët gjenin familjarë për t'i futur më pas në kurthin e rushfetit. Prokuroria e Tiranës ka zbërthyer  aktivitetin kriminal të Tires duke analizuar telefonin.

Pas Elbasanit, edhe në komisariatin e policisë Bulqizë ka pasur lëvizje. Report Tv mëson se është larguar shefi i Komisariatit Vilson Bala teksa është emëruar në detyrë në Kufirin në Kukës.

Një banor i Katundit të ri tha se ky fenomen është i përsëritur dhe se deri tani asnjë ndihmë nuk i kanë ardhur nga autoritete. Banori shprehet se rreth 400 banesa janë në ujë, dhe sipas tij kjo vjen nga shkarkimet pa kritere të liqeneve dhe rezervateve në lumin Erzen.

Një 54-vjeçar i shpallur në kërkim është arrestuar nga policia në Vlorë. Mësohet se 54-vjeçari me iniciale T.T. ishte pjesë e një grupi të goditur 6 muaj më parë për mbjelljen e disa rrënjëve kanabisi në fshatin Tragjas.

Pas emërtimit të rrugës "Klodjan Rasha" ku u vra 25-vjeçari nga polici Nevaldo Hjadaraj, familja ka mbjellë një pemë në nder të tij. I ati i 25-vjeçarit, Qazim Rasha i shoqëruar nga kryetari i Bashkisë Tiranë, Erion Veliaj kanë mbjellë një pemë ulliri në Parkun "Europa" në Sheshin Skëndërbej.

Ka nisur procesi i trajnimit të punonjësve të policisë së shtetit të cilët do të angazhohen në monitorimin e procesit zgjedhor të 25 prillit në vend. Na ambjentet e Drejtorisë së Përgjithshme të Policisë së Shtetit ditën e sotme u zhvillua një takim online mbi fillimin e këtij procesi.

Kjo është mënyra se si këta fëmijë e përshkojnë çdo ditë rrugën për në shkollë. Mungesa e infrastrukturës në njësinë administrative Shalë detyron këtë prind që të mbajë në shpinë fëmijët e tij për të kaluar urën e amortizuar, duke rrezikuar kështu edhe të bie në lumë.

Që prej aplikimit të parë të ardhur nga fshati Gruemirë, pas hapjes së aplikimit në datën 15 janar, më shumë se 1.500 fermerë kanë aplikuar deri tani në skemën e karburantit falas për bujqësinë.

Një aksident rrugor u regjistrua ditën e sotme Rrogozhinë. Një kamion humbi kontrollin dhe përfundoi në rrethrrotullimin e Bishtit të Zhurit në Rrogozhinë. Fatmirësisht, shoferi ka shpëtuar dhe ka pasur vetëm dëme materiale.

Të shtëna me armë zjarri janë regjistruar sot në qytetin e Vlorës. Është qëlluar nga një makinë në lëvizje në drejtim të Marjon Mitros, i arrestuar më parë për akuzën e “Akteve Terroriste” dhe se ishte anëtar i bandës së vrasësve me pagesë të Julian Sinanajt. Porositi atentatin që mbeti në tentativë ndaj prefektit të Vlorës Besnik Dervishi.