Kronikë

Deputeti Kostaq Papa, 57 vjeç, i ardhur nga listat e PD pas djegies së mandateve, ka mbajtur një fjalë në foltoren e Kuvendit për të mbrojtur të drejtat e grave, por mënyra se si ai flet dhe u drejtohet atyre është ofenduese, jo etike dhe e papërshtatshme jo vetëm për rolin si figurë publike por dhe një bashkëshort, baba apo djalë i një nëne.

Me pankarta në dorë, banorët e Zall-Gjoçaj, Melth dhe fshatrave të Matit kanë protestuar para Bashkisë së kundër ngritjes së HEC-eve. Simbolika më e fortë e kësaj proteste është një arkivol që u vendos në oborr të bashkisë, për ta "varrosur" këtë projekt që shkon në dëm të banorëve.

Ministrja e Shëndetësisë dhe Mbrojtjes Sociale Ogerta Manastirliu ka inspektuar masat e marra për parandalimin dhe kontrollin e koronavirusit COVID-19 në Portin e Durrësit. Manastirliu ka deklaruar se duhet të rritet vigjilenca akoma më shumë në pikat kufitare.

Ambasadori gjerman, Peter Zingraf, përmes një video mesazhi, ka folur me mundësitë që kanë shqiptarët për t'u punësuar në Gjermani me ligjin e ri.

Dy punonjës të pastrimit në Kuçovë kanë hipur në një kullë ku kanë kërcënuar se do të hidhen nga lartësia pasi ishin pushuar nga puna. 

Ministria e Financave të Bosnje -Hercegovinës ka rënë pre e hakerave dhe dyshimet janë se kanë qenë shqiptar.

Moti i keq në Vlorë ka pezulluar lundrimin detar drejt Italisë.

Në Drejtorinë e Përgjithshme të Policisë së Shtetit u organizua ceremonia e dorëzimit të 7 automjeteve të markës Mercedes Benz Sprinter të dhuruara nga Ministria e Brendshme Federale e Gjermanisë. Ato do të përdoren nga forcat speciale të Repartit të Ndërhyrjes së Shpejtë, Tiranë.

Karabinierët e Komandës Provinciale të Xhenovës, në Itali kanë zbuluar një agjenci ilegale udhëtimesh, e aftë të shndërronte të rinjtë shqiptarë në shtetas italianë përmes dokumentave të rreme dhe të falsifikuara duke përdorur deri edhe parkierë dhe lente kontakti për ti bërë personat që do trafikoheshin të ngjasonin sa më shumë me mbajtësit e kartave të identitetit që do të ricikloheshin

Dy vëllezër të dënuar për trafik të lëndëve narkotike janë vënë në sitën e Operacionit Forca e Ligjit dhe kanë 48 orë për të deklaruar pasurinë. Auto-deklaratat e tyre do t'i dërgohen më tej Prokurorisë së Posaçme ku pritet që brenda 15 ditëve të merret vendimi për sekuestro nëse a ka dyshime se pasuritë janë vënë nga burime të paligjshme. 

Nga

Elton Qyno

Grupi “Bajri” sërish përballje në gjykatën e Posaçme. Çështja nga Shkodra në Tiranë. Prokurorët që shpallën moskopetencën nuk pushuan dy akuzat për anëtarët e grupit.

Në total në Shqipëri deri më tani  53 raste në total kanë bërë analizat e koronavirusit të cilat sipas Tominit kanë rezultuar të gjithë negativ, tre raste prej të cilëve kanë qenë vetëm gjatë 24 orëve të fundit.

I ndaluari do të hetohet nga Prokuroria e Tiranës për veprën penale "Plagosja e rëndë me dashje", e kryer në bashkëpunim

Një 37-vjeçar me iniciale E.Rr banues në Dukat të Vlorës është arrestuar nga policia pasi dy ditë më parë po drejtonte mjetin skrep i cili përplasi për vdekje 60-vjeçarin Novruz Havaraj. Ndaj 37-vjeçarit rëndojnë akuzat për veprat penale "Largimi nga vendi i aksidentit" dhe "Shkelja e rregullave të qarkullimit rrugorë".

jykata Speciale (GJKKO) ka konfimuar kërkesën e SPAK për sekuestrimin e pasurisë së Artan Doçaj, të akuzuar si shoferi i furoristradës së vjedhur të përdorur në rrëmbimin dhe ekzekutimin e Jan Prengës. Nën sekuestro janë vënë një banesë dy katëshe në Shkodër, 2 automjete dhe një motorr në pronësi të Doçajt.

Ditën e sotme ishte parashikuar mbledhja e tryezës për Reformën Zgjedhore për të diskutuar për Reformën Zgjedhore dhe sistemin zgjedhor.

Dy shtetas turq janë arrestuar në portin e Durrësit pasi po tentonin të kalonin kufirin në drejtim të Italisë me dokumente bullgare dhe greke të dyshuara si të falsifikuara

Në portofolin sigurimi nga zjarri dhe forcat e natyrës, gjatë janarit 2020, vihet re një ulje prej 1.45% e volumit të primeve të shkruara bruto të këtij portofoli dhe një rritje me 22.40% e numrit të kontratave të sigurimit, krahasuar me janarin 2019” thuhet në njoftimin e AMF.

Deri në mesditë mbetemi në ndikimin e motit të kthjellët dhe vranësirave të shpeshta, të cilat gradualisht shtohen duke sjellë në pasdite dhe gjatë mbrëmjes reshje në të gjithë vendin. Këto kushte atmosferike vijojnë dhe gjatë natës.