Politikë

I pari që iu drejtua kutive të votimit nga drejtuesit e shtetit ishte Presidenti Bajram Begaj, i shoqëruar nga bashkëshortja e tij Armanda Begaj. Në fjalën e tij për mediat, presidenti tha se kjo është një ditë e rëndësishme për demokracinë dhe se këto zgjedhje duhet t’iu shërbejnë qytetarëve dhe jo partive politike.

Janë 144 kandidatë për kryebashkiakë në të gjithë vendin që do të përballen mes tyre për të drejtuar 61 bashkitë. Me formacion të plotë kanë dalë vetëm PS e Bashkë Fitojmë, ndërsa PD kandidon në vetëm 14 bashki.

Ka përfunduar numërimi në 3 Bashkitë, Elbasan, Kamëz dhe Vorë ku u votua elektronikisht. Partia Socialiste ka fituar bindshëm të treja bashkitë.

Duke filluar nga ora 06.30 e mëngjesit të 14 majit, Report Tv ka nisur transmetimin maratonë për zgjedhjet vendore në çdo cep të vendit. Raportime Live nga Tirana dhe nga e gjithë Shqipëria, nga fillimi i procesit të votimit, deri në numërimin e kutisë së fundit.

Prej orës 07:00 të mëngjesit deri në 19:00, qytetarët i janë drejtuar kutive të votimit për të hedhur votën për 61 kryetar bashkie dhe këshilla bashkiakë. Në disa qendra votimi pati vonesa për shkak të mos funksionimit të pajisjeve të identifikimit elektronik, ndërkohë që në disa të tjera pati probleme me paraqitjen e komisionerëve të PD. 

Kreu i Komisionit Qendror të Zgjedhjeve, Ilirjan Celibashi ka pritur sot në një seancë informuese anëtarë të delegacioneve të trupave të administrimit të zgjedhjeve nga shtatë vende të ndryshme, Los Angeles, SHBA, Estonia, Kosova, Gjeorgjia, Bosnjë Hercegovina, Moldavia dhe Kirgistani.

Komisioni Qendror i Zgjedhjeve ka urdhëruar heqjen e menjëhershme të materialeve propagandistike të partive politike që gjenden në distancë më të vogël se 300 metra nga qendrat e votimit dhe KZAZ-të.

Sali Berisha ka shkelur Kodin Zgjedhor ditën e sotme teksa nuk ka respektuar ditën e heshtjes zgjedhore. Ai ka bërë thirrje në Facebook për të votuar Fredi Belerin për të gjithë qytetarët e Himarës, duke përdorur gjoja një reagim në lidhje me vendimin e Gjykatës për ta lënë në burg kandidatin e tij për Bashkinë Himarë.

Nga

Enxhi Musaj

Nga 170 mijë persona me aftësi të kufizuar 150 mijë prej tyre janë me të drejtë vote, por jo të gjithë e ushtrojnë vullnetin e tyre për shkak të vështirësive në procesin zgjedhor. 

Nga

Adriatik Doci

Gjykata e Lartë do të vendosë nëse SPAK duhet apo jo të nisë një hetim për rolin e Metës dhe Berishës në vjedhjen e floririt në tunelet e Kërrabës. Pse Meta reagoi pasi Rama riktheu epitetin ‘Like Floriri’.

Ish – kryetari i Aleancës Kuqezi, sot analist politik, Kreshnik Spahiu ka hapur një sondazh në llogarinë e tij të “Facebook” ku ka ftuar qytetarët që të zgjedhin nëse zgjedhjet e 14 Majit për Bashkinë Himarë i fitojnë qytetarët shqiptarë apo grekët + Sali Berisha.

Rithemelimi ka kallëzuar sot në SPAK drejtoreshën e Agjencisë Shtetërore të Kadastrës, Dallëndyshe Bici. Në deklaratën e bërë, Rithemelimi akuzon Bicin se është e përfshirë në skandalin e shpërndarjes së legalizimeve në këmbim të votës së qytetarëve.

Të gjithë operatorët teknikë të caktuar për identifikimin elektronik të zgjedhësve për ditën e nesërme duhet të paraqiten në qendrat e votimit në orën 6:00. Nënkomisionerja e KQZ, Lealba Pelinku në një deklaratë për mediat njoftoi shkelja e rregullimit dhe  mosparaqitja nga ana e këtyre të fundit do ti ngarkojë ata me përgjegjësi ligjore dhe se KQZ do t’i shkojë deri në fund hetimit se pse janë tërhequr në minutën e fundit.

Kur kanë mbetur më pak se 15 orë nga nisja e procesit të votimit për zgjedhjet lokale të 14 majit, burime nga 7 KZAZ -të e Qarkut Korçë, bëjnë të ditur për Report TV se në momentet e fillimit të shpërndarjes se materialeve zgjedhore për Qendrat e Votimit, ka pasur ndryshime të shumta për kryetarët dhe sekretarët e QV-ve të cilët janë propozuar nga koalicioni Berisha-Meta, ndryshime këto të ndodhura në momentin e fundit.

Janë 144 kandidatë për kryebashkiakë në të gjithë vendin që do të përballen mes tyre për të drejtuar 61 bashkitë. Me formacion të plotë kanë dalë vetëm PS e Bashkë Fitojmë, ndërsa PD kandidon në vetëm 14 bashki.

Ministria e Jashtme greke ka reaguar pas vendimit të Gjykatës së Vlorë për të lënë në burg Fredi Belerin. Ministria e Jashtme shkruan se arrestimi i kandidatit vetëm dy ditë para zgjedhjeve, nuk përbën një shtet ligjor.