Politikë

Kryekomisioneri Ilirjan Celibashi tha se rezultati për partitë dhe koalicionet do të dalë brenda 48 orëve, ndërsa thirrje kryesore e kishte për liderët e partive politike duke thënë që të ruajnë qetësinë, dhe të tregohen të duruar deri në daljen e rezultatit. Ai tha se nuk janë të pranueshme thirrjet për fitore në një kohë që procesi i numërimit nuk ka filluar ende.Procesi i votimit të 25 prillit ishte i qetë dhe se problematikat e vetme ta shfaqur ishin të karakterit teknik që u lidhën me pajisjen e identifikimit elektronik.

Sot në ditën e zgjedhjeve parlamentare në Shqipëri, kryetarja LSI Monika Kryemadhi ka votuar e para në qendrën e votimit tek kopshti 31 në njësinë 5.

Kryetarja e Lëvizjes Socialiste për Integrim Monika Kryemadhi ka nxituar që të shpallë rezultatin e zgjedhjeve, ende pa u bërë numërimi i votave. Kryemadhi tha nga selia e LSI-së se opozita e bashkuar ka fituar 85 deri në 90 mandate. Ndërsa LSI sipas saj ka 28 deri në 30 mandate. Kryemadhi shtoi më tej se këtë proces duhet ta çojmë deri në fund dhe të numërohet çdo votë

Ambasadorët e vendeve të BE dhe ambasadorja e SHBA, Yuri Kim zbritën sot në terren sikurse kishin premtuar dhe panë nga afër procesin e votimit duke dhënë mesazhin që shqiptarët të votojnë të lirë dhe pa presione politike.

Drejtuesi i Politik i Partisë Socialiste, nga selia rozë ka deklaruar se të gjitha sondazhet paraprake e kanë nxjerrë PS-në parti fituese. Veliaj tha se sipas të gjitha exit-pollet PS fiton 71-73 mandate, ndërkohë që sipas projeksioneve të tyre ato fitojnë edhe më shumë se kaq

Ndërsa procesi i zgjedhjeve ka nisur që në orët e para të mëngjesit, kryetari i Partisë Demokratike Lulzim Basha, nëpërmjet një video-mesazhi u përcjell një mesazh qytetarëve të cilëve u kërkojnë që të votojnë për të.