Politikë

Në një intervistë për gazetën gjermane ”Welt am Sonntag” ministri gjerman i Shtetit për Europën, Michael Roth ka thënë se do të ishte sinjali i duhur kur bashkërisht me vendet e tjera të BE  t'i jepet drita jeshile për hapjen e negociatave Shqipërisë dhe Maqedonisë së Veriut.

Lleshaj ka thumbuar Partinë Demokratike duke thënë që pushimet e verës nuk e ndihmuan për të gjetur udhën e politikës. Lleshaj shkruan se ditën e sotme 13 tetor që përkon edhe me ditën ku Presidenti Meta dekretoi si datë zgjedhjesh lokale, PD iu rikthye vesit të vjetër të rrugëve.

Në një intervistë për gazetën “Kathimerini” ministri i Jashtëm grek Nikos Dhendias ka ripërsëritur se një prej kushteve kryesore që kërkon Athina ndaj Tiranës në mënyrën që të mbështesë hapjen e negociatave me BE janë të drejtat e minoritetit grek në Shqipëri.

Ish-anëtari i Këshillit Kombëtar të PD-së Edvin Kulluri ka ironizuar Partinë Demokratike dhe zgjedhjet e 13 tetorit, të dekretuara nga Presidenti Ilir Meta.

PS njofton hartimin e një Rezolute në Kuvendin e Shqipërisë kundër ndërhyrjes elektorale të huaj dhe kundër lajmeve të rreme.  Kryetari i Grupit Parlamentar të Partisë Socialiste shprehet se edhe Shqipëria regjistron një rast të rëndë të ndërhyrjes së huaj elektorale përmes financimit nga kompani guacka, prapa të cilave ka prova se fshihet Rusia duke kujtuar se edhe kryetari i PD akuzohet për lidhje me lobues rus.

Teksa në kryeqytet zhvillohej maratona e Tiranës, PD ka zhvilluar një protestë për mungesën e ujit në Tiranë. Me anë të një deklarate të ish-deputetes Ina Zhupa e cila e quajtur Maratonën e Tiranës një dështim të radhës të organizuar nga Erion Veliaj, si një formë për të tërhequr vëmendjet nga skandalet.

Ish-deputeti i Partisë Demokratike, Klevis Balliu dhe 9 protestues janë arrestuar mbrëmjen e kësaj të diele, pasi kanë bllokuar rrugën në të dyja drejtimet e rrugës si dhe nuk i janë bindur thirrjeve të Policisë. Me ndryshimet e reja në Kodin Penal, bllokimi i rrugëve duke penguar lëvizjen e lire të automjeteve është vepër penale dhe dënohet me burg deri në tre vjet burg, por një gjë e tillë nuk i ka penguar banorët të cilët të udhëhequr nga Basha ndaluan qarkullimin e makinave. Ndërkohë, janë në hetim 5 protestues të tjerë. Kjo është hera e dytë që arrestohet Klevis Balliu.

Takimi i sotëm mes dy udhëheqësve në vëmendjen e veçantë të Tiranës e Shkupit pasi vendoset fati i negociatave. Dy vendet presin dritën jeshile ndërsa zërat skeptike janë shtuar dhe vendimi i Francës e Holandës mbetet përcaktues, pas PO-së me dy kushte të Gjermanisë.

Sot Shqipëria ka 61 kryebashkiakë, dhe asnjë qytetar nuk doli të votojë në zgjedhjet e firmosura në një dekret nga Presidenti që këtë radhë vetë populli duket se ja shpalli nul.

I vetmi eveniment që po zhvillohet në Shqipëri, është maratona në Tiranë, ku marrin pjesë vrapues nga e gjitha bota.