Politikë

Dita e sotme është afati i fundit i regjistrimit të kandidatëve për kryetar bashkie dhe kanidatëve për këshillin bashkiak në KQZ. Sot janë regjistruar kandidatët e PS tre kandidatë nga Bindja Demokratike, një i pavarur dhe një i koalicionit “Shpresa për ndryshim”.

Pas 3 orësh përmbyllet pa dhunë tek selia e PD, marshimi i opozitës në 5 institucione, pa u caktuar një datë e ardhshme proteste nga Lulzim Basha. Mjaftuan qëndrimet e forta të ndërkombëtarëve, që nga protesta e dhunshme e 11 majit me sulm me bomba molotov ndaj institucioneve dhe policisë, të shndërrohet në një marshim të heshtur dhe pa dhunë. Vetëm tek Policia e Shtetit pati një efektiv të dëmtuar nga hedhja e kapsollave. Ndërsa tek Policia e Tiranës u hodh vetëm një bombë molotov i konsideruar edhe nga ish-deputetët e opozitës një rast sporadik.

Ministrat e Jashtëm të Bashkimit Europian do të takohen sot në Bruksel për të diskutuar lidhur me disa cështje ndërkombëtare, përfshirë edhe takimin e fundit të liderëve të Ballkanit Perëndimor në Tiranë që u zhvillua në datë 9 maj me ftesë të Presidentit Ilir Meta.

Presidenti Ilir Meta ka zhvilluar një takim me homologun bullgar në Shkup në ceremoninë e betimit të Presidentit maqedonas.

 Në Durrës nuk do të rikandidojë më Vangjush Dako pas 12 vitesh drejtim të qytetit bregdetar, pasi PS-ja zgjodhi që të garojë në 30 qershor me Valbona Sakon.

Prefekti i Elbasanit Gledian Llatja ka dhënë dorëheqjen nga posti i Prefektit të kētij qarku, pasi u zyrtarizua si kandidat për kryebashkiak të Elbasanit nga partia Socialiste.

Opozita zhvilloi mbrëmë protestën e katërt kombëtare ku u shënuan shumë incidente dhe sulme ndaj institucioneve, medias dhe policisë.