Politikë

Bashkëkryetari i demokratëve për Reformën Zgjedhore, Oerd Bylykbashi iu përgjigj apelit të Taulant Ballës për të bashkëpunuar në lidhje me këtë cështje të rëndësishme. Ai tha se drafti i socialistëve është jo cilësor pasi nuk trajton rekomandimet prioritare si marrjen e masave të forta kundër shitblerjes së votës, kundër presionit mbi administratën publike për të votuar për kandidatët e qeverisë, etj.

Gjatë një takimi me strukturat në Kamëz, kryetarja e Lëvizjes Socialiste për Integrim, Monika Kryemadhi i ka bërë thirrje qytetarëve të Kamzës e jo vetëm që të bashkohen dhe të ngrihen, për të rrëzuar sëbashku më 16 shkurt qeverinë "korruptive" të kryeministrit Edi Rama.

Në mbledhjen e sotme Këshilli i Ministrave ka marrë disa vendime, mes tyre edhe heqjen e vizave mes Shqipërisë dhe El Salvadorit.
 

Pasditen e sotme Partia Demokratike zhvilloi një mbledhje për organizimin e protestës së paralajmëruar në 16 shkurt. Në mungesë të kreut të PD-së, mbledhjen e ka drejtuar Edmond Spaho, ndërsa janë ndarë deputetët që do të merren me organizimin e protestës.

Për Mediun, Rama po shkatërron politikën e jashtme. Opozitari thekson se Shqipëria gjendet përballë shumë sfidave dhe përgjegjësive, ndërsa shton se ulja e përfaqësimit në këtë mënyrë është e paprecedentë.

Në mbledhjen e sotme të qeverisë është përcaktuar fusha e përgjegjësisë shtetërore të ministrit të Shtetit për Marrëdhëniet.

Ambasadori i BE në Tiranë, Luigi Soreca thotë se në fokus të takimit ka qenë ngritja e Gjykatës së SPAK dhe zgjedhja e gjyqtarëve të Gjykatës së Lartë.

Zv/ kryeministri Erjon Braçe u shpreh sonte në emisionin Repolitix se arsyet e anulimit të koncesionit të rrugës Thumanë-Kashar lidhen me faktin se projekti është i shtrenjtë dhe e dyta se asnjë kompani nuk mund të gënjejë më qeverinë e Shqipërisë. E ndërsa e cilësoi HEC-in në Gramsh si skandal, ai komentoi edhe marrëdhënien me Presidentin pas përplasjes së fundit për dekretet e ministrave dhe emrin e kreut të ri të KLSH-së. Paralajmërimit të opozitës se protesta e 16 shkurtit do të jetë e fortë, Braçe iu përgjigj duke thënë se ndryshimi i pushtetit bëhet vetëm me votë.

Ministrja e Mbrojtjes, Olta Xhaçka, njofton se Komandanti i NATO-s, Gjeneral Wolters do të vijë në Shqipëri për të zyrtarizuar nisjen e investimit për të riaktivizuar bazën Ajrore të Kuçovës.

Protesta e paralajmëruar nga opozita e bashkuar në 16 shkurt ka qenë tema e diskutimit në studion e lajmeve të Report Tv ku i ftuar ishte Petrit Vasili. Vasili tha se PS ka si ‘simbol’ çadrën në Bulevard, ndërsa opozita ka përgatitur të tjerë elementë, që sipas Vasilit do të ngelen “surprizë”.  Vasili tha se Balla është “sharlatan” dhe nuk pranoi të komentojë deklaratën e tij për një rikthim në Kuvend për Reformën Zgjedhore.

Ministrja e Drejtësisë, Etilda Gjonaj konfirmoi shkarkimin e drejtorit të Hipotekës së Durrësit dhe dy specialistëve. Gjonaj  u shpreh se të gjithë punonjësit që konstatohen me shkelje do të largohen.