Politikë

Rama e vlerësoi kryebashkiakun aktual, si ndër të paktët e zgjedhur nga krahu tjetër me të cilin nuk ka pasur probleme, ndërsa thumboi sërish Voltana Ademin. Shefi i qeverisë njoftoi se përveç ndalimit të alkoolit, adoleshentët nën 18-vjeç do ta kenë të pamundur të shkojnë edhe në lokalet e natës pa shoqërinë e prindërve apo mësuesve.

Pas akuzave të deputetit demokrat Ervin Salianji, kreu i Bashkisë së Durrësit, Vangjush Dako, ka reaguar përmes rrjetit social Facebook. Dako i kundërpërgjigjet Salianjit me nota sarkastike dhe cilëson se "muhabetet e këtij lloji i ndan gjyqi".

Ish-kryeministri Sali Berisha dhe deputeti i PS-së, Pjerin Ndreu kanë shkëmbyer replika me njëri-tjetrin në rrjetin social Facebook. Berisha e ka akuzuar Ndreun se ka marrë përfitime marramendëse dhe tokë nga ish-deputeti, Arben Ndoka. Socialisti sqaroi se as ai dhe vëllezërit e tij nuk kanë përfituar asnjë tokë ashtu siç pretendon Berisha.

Deputeti demokrat, Ervin Salianji, në një konferencë për mediat ka kërkuar sërish arrestimin e Dakos.

Presidenti Ilir Meta ka graduar sot Kolonel Albert Mullain. Meta ka dekretuar dhënien e gradës “Gjeneral Brigade” për Mullain.

Deputetja demokrate Jorida Tabaku, ka publikuar dy dokumente, që sipas PD provojnë se kompania e baxhanakut të kryeministrit mori pjesë fiktivisht në garën për tenderin e faturimit të bizneseve, me qëllim favorizimin e kompanisë kroate, që fitoi tenderin. 

Kryeministri i vendit, Edi Rama ka vizituar ditën e sotme Shishtavecin, duke iu bërë thirrje banorëve të zonës që të zhvillojnë turizmin pasi ajo është e vetmja mënyrë për të dalë nga varfëria.

Kryeministri Edi Rama ka reaguar në lidhje me tubimin që është organizuar ditën e djeshme në Kukës, ku kryeministri zhvilloi një vizitë dy-ditore në të gjithë qarkun. 

Meta ka kërkuar nisjen e konsultimeve me palët politike për përcaktimin e një date për zgjedhjet e ardhshme lokale

Nga

Esiona Konomi

Një nga dy të dielat e fundit të qershorit 2018, do të jetë data kur do të mbahen zgjedhjet e ardhshme lokale. Presidenti Meta u konsultua sot me palët politike. PS thotë se zgjedhjet nuk duhet të jenë afër sezonit turistik, PD nuk komenton, ndërsa LSI kërkon garanci për largimin e bandave nga ndikimi në zgjedhje.

Hicka u emërua në postin e Avokates së Shtetit nga Kryeministri Edi Rama, në 5 nëntor të vitit 2013.

Pas 5 vitesh në detyrë largohet nga posti i Avokatit të Shtetit, Alma Hicka. Ajo pasohet në detyrë nga Artur Metani, i cili ka shërbyer më herët si këshilltar për drejtësinë i dy presidentëve të Republikës, Alfred Moisiu dhe Bamir Topi. Ndërkohë me anë të një statusi në Twitter Rama ka sqaruar edhe arsyen e largimit të saj, që sipas tij lidhet me cështje personale.

Kryeministri i vendit, Edi Rama, ka postuar një video në Instagram ku personazhet kryesorë ishin Lulzim Basha dhe Sali Berisha. 

Nga

Adriatik Doci

Gratë deputete që zbulojnë gjunjët, lyejnë thonjtë dhe veshin taka mbi 7 cm do nxirren jashtë, burrat duhet të veshin këpucë serioze, xhinset janë të papranueshme  

Në listën me 30 kandidaturat ka shumë figura të njohura, mes tyre deputeti aktual i PS, Anastas Angjeli, i cili ka mbajtur disa funksione të larta shtetërore, zv/Ministër i Financave, Ministër i Financave, Ministër i Çështjeve Sociale dhe Ministër i Ekonomisë në qeveritë e drejtuara nga Partia Socialiste e Shqipërisë.

Presidenti Iliri Meta ka reaguar ndaj retorikës nacionaliste që është shfaqur dje në stadiumin "Selman Stërmasi" përmes një banderole nga ana e tifozëve të Partizanit. Ai u ka bërë apel të gjithëve që të qëndrojnë larg shfrytëzimit të vrasjes së ushtarit grek Konstantinos Kacifas, pasi ngjarje të këtij lloji sipas tij duhet të shërbejnë si një këmbanë alarmi për parandalimin e gjuhës së urrejtjes mes popujve. 

Kryetari i Bashkisë së Tiranës, Erion Veliaj ka zhvilluar një dëgjesë me banorët e Njësisë 11, nga ku ka bërë të ditur se fusha e Laprakës do të shpronësohet për të qenë një terren sportiv. 

Kryeministri Edi Rama vijon të mbledhë kabinetin nëpër qarqe të ndryshme në funksion të monitorimit të shqetësimeve të banorëve. Ai ka bërë të ditur këtë të martë nga Hasi i Kukësit se është hapur një hetim për kryetarin e Komisionit të Vlerësimit në Has dhe se përgjegjësi i Zyrës Arsimore, po në Has, do të dërgohet në Prokurori.

Duke u ndalur te ngjarja në Bularat, ai kërkoi mbrojtjen e pakicave minoritare, ndërsa theksoi se dy vendet duhet të arrijnë një marrëveshje për rrugëtimin e Shqipërisë në BE, referuar negociatave për dosjet e vjetra, mes tyre kufiri detar.