Politikë

Presidenti i Republikës Ilir Meta ka psotuar një foto ku shfaqet duke blerë produkte vendase në një dyqan pranë lagjes së tij.

Partia Demokratike akuzon drejtorin e ri të policisë së Fierit se është i përfshirë në pagesën e Fredi Alizotit, për të pranuar publikisht se kishte qenë ai aktori në audio përgjimin e Babales, dhe jo vëllai i Fatmir Xhafajt.

Zëdhënësja e Komisionit Evropian Maja Kocijancic i tha Zërit të Amerikës se pavarësisht tensioneve aktuale politike "Shqipëria ka arritur rezultate të prekshme në të gjitha fushat". Por ajo shtoi se vendimi i opozitës "për të dorëzuar mandatet pengon seriozisht funksionimin e demokracisë në Shqipëri dhe minon progresin që vendi ka bërë në rrugën drejt Bashkimit Evropian".

Deputetja demokrate shkruan në Facebook se në qendër të vëmendjes gjatë takimit ka qenë situata politike në të cilën ndodhet vendi, pas daljes së opozitës nga Parlamenti.

Ish-deputeti i LSI-së, Petrit Vasili lëshon akuza të forta në drejtim të ndërkombëtarëve për atë që po ndodh në Shqipëri. Ai thotë se shqiptarët shënojnë hapa përpara, ndërsa ndërkombëtarët vetëm hapa pas në kërkesat për demokraci.

Lideri demokrat deri tani ka lënë të kuptohet se opozita nuk do të marrë pjesë në zgjedhjet lokale të 30 qershorit me Edi Ramën kryeministër duke kërkuar më parë zgjedhje të parakohshme përmes një qeverie kalimtare. Por, sot Lulzim Basha ka dhënë sinjale se opozita po përgatitet për zgjedhjet lokale, pavarësisht deklaratave.

E dërguara e Komisionit Europian për Ballkanin Perëndimor, Genovefa Ruiz Calavera e cila është edhe shefja e Operacionit të Monitorimit Ndërkombëtar për zbatimin e reformës së drejtësisë në Shqipëri pas takimeve sot në Tiranë me qeverinë dhe opozitën u ka bërë apel palëve që të ulen për të zgjidhur krizën politike dhe të miratojnë reformën zgjedhore.

Kryeministri Edi Rama ka reaguar pas protestave të simpatizantëve demokratë në Rrugën e Kombit dhe aeroport me në krye kryebashkiakun Bashkim Shehu. Rama e cilëson Shehun si qesharak.