Politikë

Deputeti Ervin Salianji ka thënë sot se në një vend me prokurori normale, Rama duhet të ishte nën hetim, ndërsa deputetët në burg. Kreu i grupit parlamentar të LSI, Petrit Vasili tha se Rama duhet të largohet pasi në Shqipëri punësimet janë vetëm partiake.

Një sërë reagimesh politike ka provokuar publikimi ditën e sotme, i disa përgjimeve nga Zëri i Amerikës, sipas të cilave zyrtarë të selizë rozë kanë ndërhyrë për punësime te ish-drejtori i Burgjeve Arben Çuko. Partia Demokratike dhe LSI akuzuan direkt kryeministrin Rama se ka ndërhyrë për të punësuar militantë dhe kriminelë. Nuk ka munguar reagimi i shefit të qeverisë, i cili fton kundërshtarët politikë të bëjnë verifikime dokumentesh.

Të ftuarit e sotëm në emisionin "5 pyetje nga Babaramo" ishin ish-deputetët Astrit Patozi dhe Kastriot Islami, ku në fokus do ishte debati qeveri-presidencë për dekretet e ministrave. Ish-deputeti i PS dhe i PD, Kastriot Islami u shpreh se Rama injoroi grupin parlamentar të PS kur bëri sipas tij propozimin ekstrem për Gent Cakajn, ndërsa argumentet e Metës tha se ishin bindëse. Patozi paralajmëroi krijimin e një partie të re politike dhe tregoi detaje nga negociatat me Bashën për t'u rikthyer në PD.

Historia njeh të paktën 8 raste kur Shqipëria ka pasur kryeministrin edhe ministër të Jashtëm. Edi Rama bëhet i nënti. Detyrën e dyfishtë e ka ushtruar i pari Ismail Qemali në 1912, pastaj në radhë Turhan Përmeti, Iliaz Vrioni, Pandeli Evangjeli (dy herë), Ibrahim Biçakçiu, Enver Hoxha dhe prej ditës së sotme, Edi Rama, pas refuzimit të Gent Cakajt nga presidenti Ilir Meta.

Në një deklaratë prej gjashtë pikash, Senati i UT thekson se do garantohet plotësimi i programit mësimor për vitin akademik 2018-2019, shtyrjen e afatit të pagesës së tarifave dhe shtyrjen e procedurave të marrjes së dokumentacionit për përfitim burse. Kryeministri Rama përshëndet deklaratën dhe kërkon nisjen sa më parë të procesit mësimor.

Nga

Redaksia

Ish-kryeministri thotë se Rama dështoi me dorëheqjen e Ditmir Bushatit, dhe se kryeministri ka bllokuar vizitën e tij, duke i bllokuar pasaportën diplomatike.

Prokurori Agron Gjana u shpreh se Basha ka thënë opinione dhe jo akuza dhe për këtë arsye nuk ka konsumuar asnjë vepër penale duke kërkuar kështu pushimin e çështjes. Pas kërkesave të palëve, trupa gjykuese është tërhequr për të marrë vendimin. 

Mbyllet tenderi për lotin e parë të Unazës së Re, 6 kompani dorëzojnë ofertat. Por, sipas PD-së, kompania “Gjoka Konstruksion” është paracaktuar të shpallet fituese e një tenderi të manipuluar. Sipas PD, ARRSH ka ndryshuar kriterin për licensën, duke e kaluar nga “NP-12/G”, për punime të Inxhinierisë së Mjedisit në NP-12F për punime të Inxhinierisë së Mjedisit, që është e disponueshme nga Gjoka Konstruksion.

Presidenti Ilir Meta i është përgjigjur kryeministrit Rama, pas vendimit të këtij të fundit për të marrë postin e ministrit të Jashtëm. Kreu i shtetit shprehet se Presidenti është në krye të detyrës, ndërsa shton se e para është Kushtetuta dhe sundimi i ligjit.

Kryeministri Edi Rama i ka dhënë zgjidhje ngërçit të krijuar me Presidentin pas refuzimit të Gent Cakajt. Kreu i qeverisë do të marrë përkohësisht edhe drejtimin e ministrisë për Europën dhe Punët e Jashtme deri në momentin që të flasë Gjykata Kushtetuese. Mbërrin në Presidencë dekreti i Ramës për të marrë postin e Ministrit të Jashtëm. Vendimin e Presidentit për të mos çdekretuar Ministrin e Jashtëm Ditmir Bushati në afatin kushtetues, Rama e cilëson si një tjetër shkelje nga Meta.

Dy janë skenarët si mund të veprojë kryeministri Rama përballë situatës së krijuar. Mundësia e parë është që Edi Rama ti drejtohet Presidentit Meta me një tjetër emër pas refuzimit të Gent Cakajt. Ndërsa alternativa e dytë është që vetë Rama, ashtu si kryeministri i Greqisë, Tsipras të marrë drejtimin e Ministrisë për Europën dhe Punët e Jashtme përkohësisht. 

Ish-Presidenti shprehet se të caktosh në postin e kryediplomatit të vendit një person pa asnjë formim diplomatik dhe pa asnjë eksperiencë tregon paaftësi e papërgjegjëshmëri nga kryeministri.

Partia Demokratike akuzon kryeministrin Edi Rama se me nismën e ndërmarrë për të dërguar në sekretariatet e çdo universiteti dy përfaqësues nga Ministria e Financave dhe Arsimit, do të shkelë autonominë e institucioneve të arsimit. Kjo forcë politike kërkon nga Prokuroria që të nisë sa më parë hetimet për dhunën e ushtruar të policëve ndaj studentëve protestues. 

Rama thotë se nga nesër në sekretariatet e çdo universiteti do të jenë dy përfaqësuesë nga ministria e Financave dhe Arsimi që do të japin shpjegime për tarifat e studimit dhe pagesën e tyre në janar.

Ministri Sandër Lleshaj, tha se policia po sulmohet nga politika. Vjen reagimi i PD. Deputeti Ervin Salianji akuzon Lleshajn se ka zgjedhur që të bëhet “lodër” e Ramës dhe të ketë partner krimin

Në 106-vjetorin e Policisë së Shtetit, Ministri i Brendshëm u shpreh se do të ketë lëvizje në radhet e uniformave blu për përmisimin e fundit. Lleshaj theksoi se operacioni Forca e Ligjit vazhdon. Për vjedhjen e armëve në Pashaliman Sandër Lleshaj tha se hetimet po bëhen nga Policia Ushtarake

Me socialistët shqiptarë që punojnë në Greqi, sekretari i PS, Taulant Balla tha se do të bëhet gjithcka e mundur që emigrantët të votojnë në zgjedhjet parlamentare të 2021. Në këtë takim kanë qenë edhe Blerina Gjylameti, Bledi Cuci, Alket Hyseni e Stefan Cipa.

Nga

Adriatik Doci

Hiqet kufizimi ligjor, kreu i institucionit që kontrollon pasuritë e zyrtarëve mund të garojë për një mandat të dytë