Politikë

Opozita ka paralajmëruar tubimin e radhës nesër para parlamentit në momentin që do të zhvillohet seanca.

Kreu i grupit parlamentar të PS, Taulant Balla shprehet se shumica mbetet e gatshme për dialog me opozitën, por jo për negociata.

I quan të turpshme sulmet që po i bëhen deputetes së Partisë Demokratike Rudina Hajdari, nga vetë partia e saj. Ish-kryetari i PD-së në Gjirokastër, tashmë anëtar i kësaj partie, Roland Bejko, thekson faktin se bija e kujt shtë Rudina, që njëjtë si i ati, Azem Hajdari, edhe ajo nuk i bindet urdhrave të partisë, kur bindja dhe instikti i thonë se shumica e ka gabim.

Myslim Murrizi paralajmëron Bashën që nëse nuk heq dorë nga kjo ide që ka nisur të zbatojë, në zgjedhjet e ardhshme nuk do të mundet të gjejë dot as komisionerë për 238 qendrat e votimit që ka rrethi Lushnje.

Pas firmosjes së dorëheqjes disa ditë më parë, të Nard Ndokës, Kuvendi i Shqipërisë i ka dërguar Komisionit Qendror të Zgjedhjeve, shpalljen e vendit vakant të deputetit. Kështu, KQZ më tej do të njoftojë kandidatin pasues në listën e zgjedhjeve të 2017-ës, për të marrë mandatin e deputetit.

Kryetari i Partisë Demokratike Lulzim Basha tha se veç dpsjes '339' të Prokurorisë për dyshime të përfshirjes së kryebashkiakut të Durrësit, Vangjush Dako në vjedhje votash, tha se shumë shpejt zyrtarë të tjerë nga Partia Socialiste do të vihen në hetim në sajë të një tjetër dosje me numrin '184'.

Ylli Shehu një prej deputetëve që u miratuan sot nga KQZ. Para se t'i futej politikës Shehu kishte një tjetër pasion, këndimin.

Samiti 4-ditor i Diasporës, i mbajtur javën e kaluar në Tiranë prodhoi disa rezultate historike, të cilat do të ngrenë në një nivel të ri nivelin e bashkëpunimit midis shtetit shqiptar dhe komuniteteve tona nëpër botë.

Edi Rama njoftoi se në radhët e policisë së shtetiti do të krijohet mundësia për tranzicion të butë për oficerët më të moshuar dhe për të marrë më shumë të rinj, duke iu krijuar më të moshuarve që të vazhdojnë të kenë një pagë dhe duke dhënë kontribut të rëndësishëm në shkëputjen nga shërbimet e policisë private.

Katër deputetët e LSI-së moren sot mandatin nga Komisioni Qëndror Zgjedhor ndërkohë që ditën e nesërme ata do të betohen në seancën plenare që do të mbahen në Kuvend.

Nënkryetari i Partisë Demokratike, Edi Paloka, ka paralajmëruar qytetarët që nuk duan të përfshihen në protestën e opozitës, të qëndrojnë larg Parlamentit ditën e nesërme, duke dhënë sinjalet e para se në protestë do të ketë dhunë. Të njëjtën thirrje i bën edhe bizneseve pranë parlamentit, që të mbyllin qepenët.

Ish-deputetja Erisa Xhixho, thotë se nuk do të bëhet asnjë hap pas, duke përmendurkështu një shprehje të artikuluar vazhdimisht nga kryetarja e LSI-së, Monika Kryemadhi, gjatë kohës së protestave të opozitës, por edhe si përgjigje ndaj reagimeve ndërkombëtarë që kanë kritikuar djegien e mandateve nga opozita, dhe protestat e dhunshme.

Kuvendi do të mblidhet nesër në seancë plenare në orën 10:00. Opozita: Asnjë hap pas, do të protestojmë para Kuvendit. Policia: Jo tubim tek Parlamenti, u rrezikohet jeta deputetëve. Zgjidhni vend më të përshtatshëm.  Mnistri Lleshaj dhe Rama i kanë garantuar deputetët se policia do të ofrojë sigurinë fizike të socialistëve.

Lefter Maliqi  kandidat i Partisë Demokratike në listën e zgjedhjeve parlamentare të 2017-ës, ka dorëzuar sot në Komisionin Qendrot të Zgjedhjeve, formularin e vetëdeklarimit, duke hedhur kështu hapin e parë drejt marrjes së mandatit të deputetit, pas dorëheqjes së deputetëve të opozitës.

Për selinë blu, fakt për këtë është bërë shpërndarja (share) nga faqja zyrtare në Facebook e Drejtorisë së Policisë së Tiranës të fjalimit, sipas tyre, politik kundër opozitës të Ministrit të Brendshëm Sandër Lleshaj në mbledhjen e Partisë Socialiste.

Deputetja e Partisë Demokratike Rudina Hajdari ende nuk e ka dorëzuar mandatin duke mos iu bashkuar grupit.

Murrizi i përjashtuar nga partia pasi nuk dorëzoi mandatin e deputetit ka reaguar ashpër kundër militantëve dhe drejtuesve të PD-së, pasi e kritikuan për vendimin.

Ish-deputeti Klevis Balliu nga Unaza e Re, ku vijojnë që të protestojnë një grup banorësh, tha se askush nuk do ta ndalojë uraganin.

Kuvendi ka publikuar datën e mbajtjes së seancës, por jo orën, ndërsa policia e shtetit i referohet orës 10:00 për zhvillimin e Kuvendit, teksa i refuzoi lejen PD-së nisur kjo nga dhuna në protestën e 26 shkurtit duke i kërkuar që të gjejë një tjetër vend për tubim.