Politikë

PS prezanton planin infrastrukturor për mandatin e katërt, duke premtuar ndërtimin e 700 km rrugë të reja, përfundimin e Korridorit 8 dhe Korridorit Blu deri në 2030 dhe rijetësimin e linjave hekurudhore. Pritet të nisë puna për ndërtimin e Portit Tregtar në Durrës që do ketë edhe bazë të Nato-s. Në 2025, Qendra Kombëtare e Monitorimit të Trafikut do monitorojë disa akse kryesore me kamera inteligjente dhe radarë.

Kandidatja më e re e PS në listën e qarkut Fier, 27 vjeç, i është përgjigjur me humor akuzave të drejtuesit politik të PD në këtë qark. Gaz Bardhi akuzoi Caushin dhe të tjerë të lidhur me pushtetin për abuzime dhe përfitime personale, duke theksuar se fondet nuk shkuan për njerëzit e zakonshëm, por për familjarët e kandidatëve.

Kryeministri Edi Rama prezantoi programin e PS. Ndalur tek arsimi, Rama tha se synohet që numri i laboratorëve inteligjentë në shkolla të shkojë në 1 mijë nga 340 që janë aktualisht.