Top 24

Hasan Ahmetaj është drejtori i ri i Drejtorisë së Policisë së Beratit. Ahmetaj në këtë post do të zëvendësojë Artion Dukën, i cili u emërua në krye të Drejtorisë së Policisë së Qarkut Vlorë.

Gjykata ka ndryshuar masën e sigurisë për njërin nga gjashtë personat e arrestuar ditën e premte për trafik kokaine. Masa e sigurisë ka ndryshuar për Lavdosh Demajn, që është kryetar i Grupseksionit të Partisë Demokratike në Elbasan.

Tashmë është zyrtare. Holanda i kërkon Komisionit Evropian të rikthejë vizat për shqiptarët nisur nga kriminaliteti i shtuar në këtë vend mes shtetasve tanë. Por kjo kërkesë nuk prodhon ndonjë efekt të menjëhershëm, sepse vendimin do ta marrë Parlamenti Evropian, dhe pezullimi duhet të mbështetet nga shumica e vendeve anëtare.  Ministri i Punëve të Jashtme të Shqipërisë Gent Cakaj siguron shqiptarët se do të vijojnë që të lëvizin të lirë.

Seanca e radhës ndaj Ritvan Zykajt do të mbahet në datë 7 Maj. Në seancën e ditës së sotme, Zykajt iu caktua një tjetër avokat kryesisht pasi avokati i mëparshëm nuk paraqitej në proceset gjyqësore. Jashtë dyerve të Gjykatës një dëshmitar tha për mediat se shtëpia ku jetonte Zykaj është braktisur nga familjarët dhe askush nuk jeton më atje.

Nga

Arsen Rusta

11 ditë përpara zgjedhjeve lokale, konkretisht më 19 Qërshor do të mbahet seanca e parë gjyqësore ndaj ish-Ministrit të Brendshëm Saimir Tahiri. 

Një Pelikan Kaçurrel është gjetur i ngordhur ne Lagunën e Nartës. Ky është pelikani i dytë i cili nuk dihet ende është qëlluar me armë gjahu apo ka rënë në kontakt me telat e korrentit, dhe ka ngordhur. 

Kryetari i Bashkisë, Erion Veliaj theksoi se Bashkia e Tiranës e përmbushi në një kohë rekord këtë detyrim. Ai shtoi se Karta e Studentit ishte një detyrim i vetë universiteteve, por kjo nuk u bë prej tyre, çka detyroi bashkinë që ta merrte në dorë procesin. 

Ambasadori i OSBE, Bernd Borchardt ka deklaruar se po kërkohet po nxitet dialogu mes palëve politike në vend, në mënyrë që të gjitha partitë të marrin pjesë në zgjedhjet lokale të 30 qershorit 2019. A mund të shkohet në zgjedhje të parakohshme? Kryediplomati kthen përgjigje i qeshur para gazetarëve duke thënë se nuk mund të parashikojë të ardhmen. 

Është dhënë sot masa e arrestit për të arrestuarit pas protestës së 13 prillit të organizuar opozita ku u shënuan disa akte dhune.  Gazetari i Report Tv Elis Memelli raporton se janë lënë në burg tre prej tyre ndërsa dy të tjerë nën masën e sigurisë, arrest shtëpie.

Nga

Arsen Rusta

Vëllai i Admir Muratajt, Cen Murataj përjashton mundësinë që të bëhet bashkëpunëtor i drejtësisë për të zbardhur grabitjet ku mund të ketë qenë i përfshirë Admiri. ‘Nuk bëhem kurrë spiun i Prokurorisë’. Rrëfen jetën e Adit, siç ai e quan: Nuk e ka bërë ushtrinë, pasi ka studiuar pedagogji. Më tej jeta në Greqi për të fituar të ardhura për familjen dhe devijimi që pësoi në vitin 2014, kur u kthye prej andej, dhe ku del edhe pangopësia e tij për grabitje me vlera miliona euro. Zemrën e kishte sa i peshonte trupi. 

Ish-komandoja Erzen Uka i vetëshpallur me emrin Hamzah Uka i cili akuzohet për terrorizëm ka kërcënuar gjyqtarin Bib Ndreca dhe prokurorin Eugen Beci, duke i paralajmëruar se do të japin llogari sapo ai të dalë nga burgu. Ai  ka publikuar video në Facebook me përmbajtje ekstremiste si dhe stërviste fëmijët me qëllim për t'i dërguar si luftëtar të ISIS.

Gjykata për Krime të Rënda, në seancën e zhvilluar mesditën e sotme, i dha 2 javë kohë Prokurorisë që të vërtetojë vdekjen e Admir Muratajt. 

Partia Demokratike, Lëvizja Socialiste për Integrim dhe disa media e gazetarë pranë tyre, kanë nisur një fushatë sulmi ndaj policisë së shtetit, e cila sipas tyre ka hedhur në mënyrë të paligjshme gaz lotjsllës në protestat e tyre të dhunshme dhe se kjo nuk është parë ndonjëherë në perëndim.