Top 24

Drejtoria e Tatim Taksave ka bërë publike kategoritë e pagave që do të tatohen ndryshe nga 1 janari i këtij viti. Qeveria ka vënë kushte të reja për korporatat që nuk kanë shpërndarë ende fitimet e viteve të shkuara, se si mund të përfitojnë tatim më të ulët.

"Numërimi për kryesinë më nxori jofitues me 1 votë". Kështu shkruan Ervin Salianji teksa jep dorëheqjen nga funksioni i nënkryetarit të grupit parlamentar demokrat. Ai nuk arriti të zgjidhej anëtar Kryesie nga votimi i Këshillit Kombëtar të shtunën e kaluar duke mbetur jashtë 15 anëtarëve për vetëm një votë. Ervin Salianji njihet për denoncimin e audiopërgjimit të Babales ku pretendohej se ishte regjistruar Agron Xhafaj teksa fliste për një ngarkesë droge drejt Italisë, që më pas rezultoi montazh. Si dhe për rastin "Xhisiela", gjithashtu fluskë sapuni. 

Hekuran Hoxha është shtruar me urgjencë në QSUT pas problemeve me zemrën vetëm disa orë pas arrestimit nga policia me urdhër të Prokurorisë së Krimeve të Rënda. Seanca për masën e sigurisë u zhvillua në ambientet e spitalit ku dhe u vendos nga Gjykata arrest me burg. 

Ish-juristi i OSHEE dënohet nga Gjykata e Tiranës për shpifje ndaj Shkëlzen Berishës. Kara pati akuzuar këtë të fundit se udhëtoi me Kastriot Ismailajn drejt Pragës për të negociuar marrëveshjen me kompaninë çeke, CEZ. 

Drejtori i Operatorit të Sistemit të Transmetimit Klodian Gradeci ka dhënë dorëheqjen nga detyra pas skandalit me firmën ‘DH Albania’.

Ministrja e Infrastrukturës dhe Energjisë, Belinda Balluku ka bërë me dije këtë të hënë se qeveria ka anuluar PPP për ndërtimin e aksit rrugor Thumanë-Kashar dhe se fondi 225 milionë euro i parashikuar për të do të vendoset në funksion të universiteteve të vendit. Por, pyetja që shtrohet është se a do të mjaftojë ndryshimi i prioriteteve si argument ligjor për të anuluar një koncesion partneritet publik privat që është firmosur?

Lulzim Basha është dënuar nga gjykata me 50 mijë lekë gjobë për shpifje kundër Taulant Ballës. Gjykata e gjeti fajtor Bashën pas deklaratave në foltoren e Kuvendit se kryetari i grupit socialist ishte i përfshirë në çështjen e 'Toyota Auris', ku u gjetën dhe sekuestruan 3.4 milionë euro në dy makina në qershor të vitit të kaluar. Balla e cilësoi vendimin historik, ndërsa avokati i kryedemokratit Basha, Gazment Bardhi u shpreh se procesi ishte qesharak dhe në kushtet e presionit të Vettingut.

Nga

Redaksia

Fakultetet e Universitetit të Tiranës po i rikthehet gradualisht normalitetit në auditore. Te Fakulteti Ekonomik këtë të hënë është zhvilluar mësim, ndërsa një grup i vogël studentësh vijon bojkotin. Mësim është zhvilluar edhe te Fakulteti Juridik ku gjithashtu nuk mungojnë studentët bojkotues, por gjithnjë e më të paktë në numër. 

Pas propozimit të presidentit Ilir Meta për të vendosur në krye të Kontrollit të Lartë të Shtetit këshilltarin e tij, ka reaguar kryetari i Komisionit të Ligjeve, Ulsi Manja: Për sa i takon Komisionit të Ligjeve e shoh realisht të pamundur dritën jeshile për zotin Shaqiri. 

Në vendin e Anila Trimit është emëruar Muhamet Rrumbullaku, një drejtues me eksperiencë të gjatë në Policinë e Shtetit, që rikthehet në post drejtuesi. 

Nga

Redaksia

Kryeministri Edi Rama i shoqëruar nga familjarët e protestuesve të vrarë në 21 janar 2011, po marshonte në këmbë nga Kryeministria në drejtim të pllakatave përkujtimore në Bulevard, kur atij ka tentuar t'i afrohet një qytetar i moshuar. Ky i fundit mbante në dorë disa dokumente, por Garda e Republikës ka ndërhyrë duke e larguar.