Procesi i dezinsektimit në zonat bregdetare, por jo vetën, ka nisur prej ditësh. Drejtoresha e përgjithshme e Institutit të Shëndetit Publik, Eugena Tomini, në një intervistë për Report Tv shpjegon se procesi do të zgjasë deri në shtator.
Për ‘Sot Live në Shqipëri’ me gazetarin Nertil Agalliu, Tomini shpjegon se dezinsektimi përsëritet çdo dy-tre javë deri në shtator.
“Ky proces përvijohet në mënyrë sistematike në të gjithë zonat bregdetare, ligatinore, urbane. Bëhet në mënyrë përsëritëse çdo dy-tre javë deri në fund të shtatorit. Në të gjithë këto 6 muaj ky proces do jetë në vazhdimësi. E njëjta gjë ndodh edhe nga prilli deri në shtator 2025”, tha Tomini për Report Tv.
Dezinsektimi ka nisur nga Shkodra, për t’u shtrirë më pas në Lezhë, Durrës Fier, Vlorë e Sarandë. Tomoni shpjegon se po dezinsektohet jo vetëm vija bregdetare, por edhe ligatinat, lagunat, parqet, pusetat dhe bodrumet. Vlerësim ky i bërë nga ISHP në bashkëpunim me pushtetin vendor.
“Kemi filluar që nga Velipoja, Shirokë, Lezhë, Durrës kemi vijuar më pas në bregdetin e Spillesë, në Fier, Darzezë, Vlorë më pas në Butrint dhe në gjithë bregdetin nga Saranda në Vlorë. Është gjithë bregdeti, laguna, pjesë urbane dhe publike. Është një proces dezinsektimi me qëllim ngordhjen e larvave. Një nga hapat e shumimit apo zhvillimit të mushkonjës adulte”, tha Tomini.
Sa i takon Divjakës, sipërfaqja është shtrirë në 14 hektarë, ndërsa Tomini thekson se ky proces realizohet me qëllim parandalimin e transmetimit të sëmundjeve infektive në popullatë.
“Është Divjaka që është llogaritur me disa hektarë sipërfaqe, që shkon në nivelin 14ha. Ka kombinim të habitateve, përveç zonave lagunore, bregdetare apo pjesës urbane kemi kanale që drenojën ujërat, bodrume në pallatet në ndërtim e sipër, kemi pusetat që janë vlerësuar si vatra të mundshme për rritjen e larvave.
Luftim i një prej hallkave për të mos shkuar te mushkonja adulte, por edhe për parandalimin e transmetimit të sëmundjeve infektive në popullatë”, vijoi drejtoresha e ISHP.
Tomini thotë se Divjaka është epiqendra për shfaqjen e mushkonjave dhe pavarësisht dezinsektimit ato nuk mund të zërohen edhe për shkak të karakteristikave që kjo zonë.
“Habitati ka kushte të caktuara për larvat, jo vetëm Divjaka. Divjaka është epiqendra. Edhe në historinë e mëhershme, për shkak të llojit të habitat, florës dhe faunës, historiku i saj si zonë këntore, ka predispozita të ekosistemit që nxisin larvat dhe shfaqjen e mushkonjave adulte. Nuk mund të zerohet një popullatë e tillë që është migratore”, theksoi Tomini.
Tomini tha se për dy vite, 2021 dhe 2022, dezinsektimi nuk është kryer.
"Ky proces është një procedurë që kryhet për dy vite. Ka mbaruar procesi në dhjetor 2023, edhe pse kemi nisur që nga gushti deri në fund të shtatorit, përvijohet deri në 2025 me këtë marrëveshje kuadër. Ky proces ka nisur në 2014, por nuk është kryer në 2021 dhe 2022. Për dy vite të plota nuk është kryer", tha Tomini.
Lënda biocide që po përdoret për dezinsektimin vepron vetëm mbi larvat e katër lloje mushkonjash.
Lajme të tjera
-
Kuqezinjtë ndeshen me historinë/ Ledjo Pano në Report Tv: Sot duhen aftësitë e Brojës! Kemi ekip më cilësor se ai i 2016, por më pak luftarak
24 Qershor, 13:06 -
“Jemi bërë gjithë njolla!” Braktiset plazhi i Semanit e Darëzezës, dezinsektimi në kanale pa efekt!
20 Qershor, 11:26
-
Shalqini i Divjakës shitet me shumicë 30 lekë për kg! Fermerët: Mbulojmë dhe tregjet e rajonit
14 Qershor, 15:56
-
Beleri eurodeputet/ Gazetari nga Athina në Report Tv: Kishte udhëzim që ai të votohej patjetër! U përdor si kartë e artë për të frenuar rënien e Nea Demokracia
10 Qershor, 16:32 -
'Ata që ikën te Berisha menduan se do bëheshin lidera', Lapardhaja në Report Tv: Partitë e reja duan ta 'ngasin autobusin horizontalisht'
3 Qershor, 13:58 -
'Ura në Mitrovicën e veriut drejt hapjes', analisti Fidan Uka: Krisje mes Kurtit dhe Osmanit? Në vijim ndarja do thellohet
31 Maj, 13:30 -
‘Patatet e Divjakës’ reportazhi në 'Veri-Jug' në Report Tv
26 Maj, 16:41
-
Tre vrasës në familje, Edhe Korreshi si Baçi: Mërnicajt historikisht demokratë! E quajti 'të pabesë', deputeti për Report Tv: I qëndroj deklaratës
15 Maj, 14:02 -
Kosova në prag zgjedhjesh/ gazetari Isufi për Report Tv: Ende nuk dihet nëse Kurti do jetë krah Osmanit! Haradinaj i kërkon dorëheqjen
14 Maj, 13:28 -
‘Lufta’ ndaj insekteve, nis dezinsektimi në të gjithë vendin! Ankohet kryebashkiaku i Divjakës: Duhej nga ajri! ISHP: I konsultuar
8 Maj, 20:02
-
Pas Shirokës, vijon procesi i dezinsektimit në Kavajë, ministrja Koçiu: Do vijojmë në gjithë vijën bregdetare
3 Maj, 17:28 -
Lihen punimet për shkollën e financuar nga bashkia Tiranë, ish-kreu i Komunës Preshevë: Shqiptarë brenda Luginës bashkëpunojnë me Vuçiç
3 Maj, 13:09
