POP 5

Lajmet më të lexuara të 5 minutave të fundit

Lifestyle

E dinit? Cila është formula që një këngë të jetë shumë e suksesshme?

Deri më sot, janë kryer disa studime për të identifikuar formulën e duhur, që një këngë të jetë një hit në tregun muzikor.

E dinit? Cila është formula që një këngë të jetë shumë e suksesshme?

Deri më sot, janë kryer disa studime për të identifikuar formulën e duhur, që një këngë të jetë një hit në tregun muzikor. Për shembull, një hulumtim i Shoqatës së Psikologëve Amerikanë, zbulon se këngë të tilla kanë shpesh kanë tipare të ngjashme:një melodi tërheqëse, të lehtë për t’u mbajtur mend, dhe një interval ose refren i veçantë. Mbi të gjitha duket se më të suksesshme janë këngët me ritme të shpejta.

Ritmi dhe refreni

Një studim tjetër i kryer nga një ekip studiuesish nga universitetet angleze të Durham dhe Goldsmith, dhe universiteti gjerman i Tybingenit, identifikoi gjithashtu karakteristika të ngjashme:një ritëm të shpejtë, një refren i përsëritur 2 deri në 4 herë, dhe një melodi gjenerike, por jo shumë.

ABBA apo Lady Gaga?

Në fakt, intervalet e pazakonta në një melodi, si për shembull ndërhyrja instrumentale e “MySharona” ose kënga e famshme “In The Mood” e Glen Miler, shërbejnë për të tejkaluar pritshmëritë e atyre që dëgjojnë një këngë të rrymës pop.

Edhe këngët e kompozuara me nota të gjata në kohë, por me një lartësi të ngjashme, kanë gjithashtu më shumë gjasa të bëhen hite. Një shembull tipik i kësaj kategorie është refreni i këngës “Waterloo” i grupit ABBA.

Por fraza e vërtetë e përsosur, sipas mendimit të 3.800 njerëzve të intervistuar nga autorët e studimit të lartpërmendur, përfaqësohet nga kënga “Bad romance” e Ledi Gaga, e ndjekur nga hiti “Can’t get you out of my head” i Kajli Minog dhe “Don’t stop Believin” nga Xhërnej.

E megjithatë për shkencëtarët, edhe këto rezultate ndikohen nga faktorë, që nuk janë sqaruar ende plotësisht, dhe që kanë ndoshta lidhje me përvojat e tyre përkatëse të dëgjimit. Në fakt, nga mijëra përgjigjet e mbledhura për studimin, vetëm 506 këngë u cituan si shembulli i një fraze tërheqëse nga më shumë se një person. Vetë Ledi Gaga u ngjit në podium me vetëm 33 preferenca.

Fenomeni “Spice Girls”

Një tjetër renditje, e kryer në mbi 12 mijë njerëz nga Eshli Bargoin, muzikologe kompjuterike në Universitetin e Amsterdamit, përcaktoi se cilat janë këngët më të paharrueshme, pra ato që i njohim menjëherë edhe nëse nuk i kemi dëgjuar prej vitesh.

Një ndër këngët më të njohura është “Wannabe” e grupit britanik “Spice Girls”, ku shumica e njerëzve e gjetën pas vetëm 2.3 sekondash. Ajo u pasua nga “Mambo Number 5” e Lu Begame 2.48 sekonda dhe “Eye of the Tiger” nga grupi Survivor që u identifikua pas 2.62sekondash./Bota

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça