POP 5

Lajmet më të lexuara të 5 minutave të fundit

Sport

Euro 2020, Franca e Anglia japin spektakel, Kosova e nis me barazim

Franca kampione e botës në fuqi po dhuron spektakël edhe në eliminatoret e “Euro 2020”. Transalpinët mposhtën 4-0 Islandën dhe kryesojnë grupin H me pikë të barabarta me Turqinë. Ndërsa Shqipëria pas fitores me Andorrën mban vendin e tretë. Kosova i nisi me një pikë eliminatoret pasi barazoi në Prishtinë ndaj Bullgarisë.

Euro 2020, Franca e Anglia japin spektakel, Kosova e nis me barazim

Franca është një “rrul” dhe shtyp këdo i del përpara në kualifikueset e “Euro 2020”. Pasi mposhti pak ditë më parë Moldavinë me katër gola të shënuar po kaq herë tundi edhe rrjetën e Islandës duke kryesuar me pikë të plota në dy ndeshje grupin H ku bën pjesë edhe Shqipëria. Në Paris transalpinët mposhtën mes spektaklit Islandën 4-0 dhe me 6 pikë dominojnë grupin H kualifikues. Umtiti në pjesën e parë dhe Giroud, Mbappe e Griezmann në fraksionin e dytë ishin autorët e golave.

Në vend të dytë në grupin tonë është Turqia me po 6 pikë pas dy fitoreve në dy ndeshje. Pasi fitoi në Shkodër ndaj Shqipërisë skuadra e Senol Gynesh shpërtheu ndaj Moldavisë duke fituar 4-0. Dygolësh realizoi Cenk Tosun dhe nga një herë shënuan Ali Kaldirim dhe Ajhan. Në vendin e tretë të grupit H është Shqipëria me 3 pikë që i siguroi në fitoren ndaj Andorras.

 Kosova e nisi me një barazim fushatën kualifikuese të “Euro 2020”. Goli i Arbër Zenelit vlejti vetëm për të barazuar në shifrat 1-1 me Bullgarinë. Ndërsa grupin A ku bën pjesë Kosova po e dominon Anglia. “Tre luanët” pasi mposhtën 5-0 Çekinë pak ditë më parë i dhanë dje një “shuplakë” edhe Malit të Zi duke fituar 5-1 në Podgoricë. Ndërkaq në grupin B Portugalia e Ronaldos ka ngecur për të dytën herë radhazi. Luzitanët nuk shkuan më shumë se një barazim 1-1 ndaj Serbisë. Ukraina me vështirësi mundi Luksemburgun dhe kryeson grupin.

Përgatiti Andi Kapxhiu
 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Emanuela Rusta do të vendosë drejtësi në gjysmëfinalen e Kampionatit Europian

Emanuela Rusta do të vendosë drejtësi në gjysmëfinalen e Kampionatit Europian

22 Korrik, 18:28