GJIROKASTER - Botuesi dhe pronari i Universitetit Europian të Tiranës ka thyer heshtjen pasi u arrestua dje. Përreth 90 minuta para oficerëve të policisë gjyqësore në Drejtorinë e Policisë së Gjirokastrës, Henri Çili ka mohuar të gjitha akuzat e ngritura ndaj tij nga policia, duke thënë se do të kundërshtojë gjithçka me prova e fakte në gjykatë. Ditën e nesërme në Gjykatën e Faktit në Përmet, pritet të mbahet edhe seanca përmasën e sigurisë ndaj Çilit dhe 27 të arrestuarve në operacionin e gjerë policor koduar 'Mezhgorani' në vijim të procedimit penal të fund 2019-ës në Prokurorinë e Përmetit për falsifikim të kartëmonedhave.
Gazetari i Report Tv, Piro Nase, tha se gjatë seancës së pyetjeve pasditen e djeshme, Çili ka qenë mjaft i qetë. Ai nuk ka dhënë shpjegime për 6 akuzat e ngritura ndaj tij, por ka mohuar të jetë i përfshirë apo që të ketë ndikuar tek ndonjë gjyqtar për lirimin ose zbutjen e dënimit të vëllezërve nga Lazarati, Arbjon dhe Alban Aliko, dënuar me vendim të formës së prerë nga Apeli për vrasjen e efektivit të RENEA-s Ibrahim Basha në 2015-ën në fshatin e Gjirokastrës. Henri Çili mësohet të jetë shprehur se gjithçka sipas tij është tërësisht e manipuluar dhe do t'i kundërshtojë në momentin e duhur me prova dhe fakte.
Mësohet se mbrëmjen e djeshme, Çili ka qëndruar në dhomën e paraburgimit me tre persona të tjerë me të cilët ka pasur komunikime të vazhdueshme.
14 nga të arrestuarit ditën e djeshme janë për prodhim dhe shitje të narkotikëve, të tjerët për mashtrim, falsifikim të dokumenteve, armëmbajtje pa leje etj, ndërsa mes të prangosurve është edhe Gazmir Ajdini, vëllai i bashkëjetueses së Çilit, i cili nga hetimet e deritanishme dyshohet të jetë personi që ka lidhur kontaktet mes Adil Alikos dhe botuesit të njohur, Henri Çili, për t'i kërkuan ndihmë për djemtë e tij që kanë bërë rekurs në Gjykatën e Lartë duke pretenduar pafajësi. Nga dosja e prokurorisë mësohet se Çili është takuar me një gjyqtar në lokalin e një hoteli në Tiranë, por nuk bëhet i ditur emri.
Në këtë ngjarje u përfol edhe emri i Ardian Dvoranit, si i vetmi gjyqtar i Lartë i cili është dhe relator i çështjes së vëllezërve Aliko në Gjykatën e Lartë. Por dje për mediat, ai mohoi të jetë takuar me Çilin, duke pohuar se ka njohje por se janë përshëndetur rastësisht kur kanë qenë në evente të përbashkëta. Dvorani, i cili njëherësh është kreu i Këshillit të Emërimeve në Drejtësi, tha se nuk është bërë asnjë përpjekje nga ana e tij për të përshpejtuar shqyrtimin e ndonjë dosje në Gjykatën e Lartë. Megjithatë, ai nuk mohoi që ndonjë tentativë për shqyrtimin me përparësi të dosjes së vëllezërve Aliko të mos ketë ndodhur nga ndonjë person tjetër, kur u shpreh se "Duhet të jetë ndonjë spekulim, unë uroj që kjo gjë të mos ketë ndodhur"...por mohoi në mënyrë kategorike që të jetë ai i përfshirë: "Në rastin tim nuk bëhet fjalë, është kategorike", theksoi ai.
45-vjeçari Henri Çili është i dyshuar për 6 vepra penale: “Fshehja e të ardhurave”, “ Pastrimi i produkteve të veprës penale ose veprimtarisë kriminale”, “Falsifikimi i dokumenteve”, “Mashtrimit”, “Ushtrimi i ndikimit të paligjshëm ndaj personave qe ushtrojnë funksione publike” dhe “Falsifikimi dokumenteve” në bashkëpunim.
Dosja me 28 të arrestuar nga Prokuroria e Përmetit, ku mes të ndaluarve është dhe botuesi dhe analisti Henri Çili, është ndarë në dy pjesë. Kjo pasi disa persona si Alfred Aliko, babai i Armando Alikos, që janë arrestuar në Lazarat për akuzën e Mbajtjes pa leje të armëve luftarake dhe municioneve, i kanë kaluar për hetime të mëtejshme prokurorisë së Gjirokastrës. Kjo prokurori do të zhvillojë këtë javë dhe masat e sigurisë për Alfred Alikon e disa të tjerë, ndërsa në prokurorinë e Përmetit, pritet të dalin për t'u njohur me masën e sigurisë Henri Çili dhe 25 persona të tjerë, që janë arrestuar për akuzën e “Prodhimit dhe shitjes së lëndëve narkotike”, ”Mashtrim”, “Ushtrim i ndikimit të paligjshëm ndaj personave publike”, “Falsifikimi i dokumenteve”.
Mes përgjimeve të kryera del dhe Gazmir Ajdini, kunati i botuesit Henri Çili, i cili i premton familjes Aliko se Çili, kishte filluar punën dhe kishte takuar një zyrtar të lartë të drejtësisë shqiptare. Ndaj që duhet patjetër, të qëndrojnë korrekt me pjesën e pagesave dhe detyrimeve për dorëzimin e pronave, dy apartamente në Velipojë dhe një sasi të konsiderueshme financiare. Qëllimi ishte që Henri Çili të ndërhynte në Gjykatën e Lartë, për të përshpejtuar dosjen penale të vëllezërve Arbjon dhe Alban Aliko, ku sigurisht ishte premtuar për rrëzimin e burgimit të përjetshëm. Dy vëllezërit Aliko, janë dënuar për vrasjen e efektivit të RENEA Ibrahim Basha. /Nga Elton Qyno
Komente
Lajme të tjera
-
Vrasja e specialit të RENEA Ibrahim Basha në Lazarat, Gjykata e Lartë rrëzon rekursin e Ruhan Hirajt! Anëtari i 'grupit të zjarrit' të vëllezërve Aliko i dënuar me 15 vite burg
9 Nëntor, 10:56
-
Edison Ypi: Versioni më i mirë i vetes
3 Nëntor, 15:37
-
114 mijë dosje në pritje të gjykimit, KLGJ me strategji për uljen e ‘backlog’: Ndryshime ligjore, më shumë ndihmës ligjorë! Qeveria: Gati të japim paratë
20 Maj, 13:16 -
Ylli Pata: Mesazhi politik i rastit Dvorani
23 Dhjetor 2022, 18:29
-
Shtyrja e zgjedhjes së Avokatit të Popullit, Berisha: Rama u tall me opozitën, po përdor skemë të njëjtë si me presidentin
23 Dhjetor 2022, 12:23 -
Avokati i Popullit, Gjiknuri: S'mund të votonim kandidatin e politizuar të PD! Dvorani gjithnjë i sulmuar nga opozita! Lokalet? 40 bashki të sigurta për PS
23 Dhjetor 2022, 11:23 -
Real Story/ Kulluri: Nëse PS blen votat, Dvorani del i palegjitimuar! Çupi: PD e frikësuar! Nazarko: Na duhen njerëzit me karrierë në GJK! Minxhozi: Negociatat vlejnë më shumë se emri
22 Dhjetor 2022, 22:17 -
Mero Baze: Fitoret e vogla të berishizmit në mungesë të Berishës
22 Dhjetor 2022, 20:01
-
Mariana Semini emërohet anëtare e Gjykatës Kushtetuese! Bien poshtë akuzat e opozitës, PS vetëm 14 vota pro për Ardian Dvoranin
22 Dhjetor 2022, 16:06 -
Kuvend/ Shehaj akuza kryeministrit: Fshihesh pas një kompanie offshore holandeze, po s’kam prova! Rama: Ose je idiot ose bën vetë! Shko bëj një skaner se s’di çfarë flet
21 Dhjetor 2022, 14:53 -
Sot votohet në Kuvend anëtari 'Kushtetueses', Berisha kundër Dvoranit: T'i bëjmë letër DASH dhe Biden, ai s'është kampion drejtësie! Kim pasion, për xhelatët e komunizmit
21 Dhjetor 2022, 12:59 -
Nesër votohet në Kuvend anëtari 'Kushtetueses', Bardhi: Kandidatura e Dvoranit e papranueshme! Burime për Report Tv: Grupi i PD s’merr pjesë në votim
20 Dhjetor 2022, 19:55
Ne qofte se pas Çilit vazhdojne me Nanon, Berishen, Ramen, Meten Bashen! Pa keto: zero me xhufke!
PërgjigjuSi do ti kundershtosh provat, duke u perpjekur te paguash ndonje njeri ne prokurori dhe ti fshish ato, se qenke i zoti shume ti per ketoj lloj punesh. Me mire orano gjithshka se te ulet masa e denimit. Mos kalo kot nga nje lloj krimi ne nje tjeter.
PërgjigjuLe te presim te shprehen organet e drejtesise, pasi vetem ato kane te drejte te sigurojne, administrojne, vleresojne provat e faktet, dhe mbi bazen e tyre te vendosin.
PërgjigjuMos u ben merak fare se nuk te gjen gje,ketu jan kap me presh ne dore dhe se kane rruajtur fare per drejtesin. Ty e shumta mund te denojn me nje vit me sherbim prove me qe esht ne mode tani. Kaq mundesi ka drejtesia shqiptare, se po te ishe ne ndonje shtet tjeter do ta kishin da nenen per kurriz.
PërgjigjuFaktet e tua jane letra per ne kosh te pelhrave.
PërgjigjuAkoma nuk kemi drejtuesa ne prokurori te jen te denjte per punen qe bejne?
PërgjigjuPse ne cilin departament pe persona qe jane te denje per punen qe po bejne?