Protestat te Kuvendi dhe konferenca Rama-Meloni/ Kreshnik Spahiu në 'Frontline': Çudia e kampit afrikan do zgjas 3 ditë, aq sa e kampit të iranianëve apo afganëve

Protesta e Rithemelimit tek parlamentit pas emisionit të Rai 3 dhe marrëveshja Rama-Meloni u debatuan në Frontline me jurisitin Kreshnik Spahiu, analistin Lavdrim Lita, kreun e Lëvizjes Bashkë Arlind Qori, deputetun Luan Baçi dhe analistin Leonard Olli.

Spahiu shprehet për Marsela Karapançon se protestat janë të nevojshme në një shoqëri demokratike, por mendon se aktivistët e opozitës po konsumohen me shumë kauzar pa çuar asnjë deri në fund.

'Unë parimisht i qëndroj mendimit që nuk ka protestë të dëmshme, janë të dobishme për sa kohë nuk ka viktima. Çdo protestë e vë shtetin në pozita më progresiste dhe më në kontroll. Shqipëria nuk ka sistemi dypartiak. Në 1990 ne e futëm Shqipërinë në pluralizëm.

LEXO EDHE:
Marrëveshja me Italinë/ Anija ‘Libra’ sjell të prangosur 40 emigrantë me urdhër dëbimi, dërgohen në kampin e Gjadrit

Kjo është komoditetit që kemi. Çdokush që e konsideron veten opozitar bën mirë të protestojë,. Nëse protesta dështon i bën dëm opozitës. Çdo parti duhet të protestoj kur merr përmasa ndërkombëtare çështja e korrupsionit. Çështja është sa e suksesshme është kauza dhe sa mbështetja popullore. Në Shqipëri protestat janë politike dhe nuk kapërcejnë kufijtë e partisë.

E dyta është shpërndarja e kauzave dhe konsumimi i protestuesve. Të njëjtë njerëz protestojnë të hënën te bashkia, të martën te rrugica, të ënjtjen te parlamenti. Këta aktivistë konsumohen. Produkti i protestave, të korrat i korr ditën e zgjedhjeve.

Rezultatin do ta shikojmë në prill të 2025. Këta kanë qenë të suksesshëm në dy elementë. E para kanë marrë protagonizëm dhe kanë lënë në hije disa faktorë të tjerë politikë përfshirë PD zyrtare dhe ka mbulim më të fortë mediatik. Këta kanë marrë 24 orë hapësirë e cila është ushqimi politik. Në strategjinë e tyre janë në rregull sot për sot. se çdo do të arrijnë nesër jam skeptik.'

Kreu i Lëvizjes Bashkë, Arlind Qori u shpreh se Rama duhet të marrë përgjegjësi pas emisionit të Rai 3, pasi nuk është baltosur shoqëria shqiptare si një narko-shoqëri, por qeveria dhe kryeministri.

'Do revoltohesha nëse do na thoshin narkoshoqëri. Ne që jemi gjyëm shtet autoritarist a është zyrtare e kryeministrit në lidhje me oligarkë me narko trafikantë. Unë them po. E shohim çdo ditë, në çdo koncesion. Dominon oligarkia ekonomike. Rama bën një ngatërresë, shtetin me shoqërinë dhe e identifikon veten me shoqërinë. Lugji XIV thoshte shteti jam unë. Rama thotë edhe më shumë, populli jam unë. Unë nuk pashë asnjë insinuatë ndaj popullit shqiptar,. Ankohemi ccdo ditë ndaj këtij zhvillimi të paqëndrueshëm. Ikin çdo vit 40 mijë-60 mijë qytetarë, forcë pune.'

Leonard Olli shprehet në lidhje me investigimin e Rai 3 se ato që u paraqitën kanë dalë edhe më parë jo nga emisione gazetareske, por nga raportet e DASH apo Europol. 

'Duhet të jemi korrekt me opinionin publik kur referojmë këto çështje. Ne nuk ka pse të çuditemi dhe të fokusojmë vëmendjen në një element investigativ por do thoja në rast se raporti i fundit i DASH që prek çdo çështje të shtetit shqiptar është racist apo përbaltës, po raporti i OKB-së për drogërat, po raporti i Europol është përbaltës.

Po raporte të tjera që në industrinë e madhe të ndërtimit injektohen para të pista janë përbaltës? Nuk kemi pse të fokusohemi të kalohet vëmendja në relativitetin apo subjektivitetin e një dokumentari televiziv, kur ke elefantin në dhomë, nga raportet ndërkombëtare. Pa diskutim ka shfrytëzim politik te protesta. Merret kazus nga dokumentari edhe për Berishën. E paimagjinueshme të refuzoj drejtuesi i parlamentit se çfarë do të bëjë një subjekt politik brenda parlamentit.'  

Ndërkohë analisti Lavdrim Lita thekson se investgimi i Rai 3 e ka vënë në siklet Ramën më shumë 100 protestat që mund të ketë bërë Rithemelimi këto dy vitet e fundit.

'Në Gjadër protestoi një deputet i opozitës italiane dhe nuk kishte një deputet të opozitës shqiptare për 36 mijë refugjatët afrikanë që do strehohen. Një deputet opozitar italian u gjakos nga badigardët e Ramës. Deputetët e opozitës shqiptare po pinin raki këtu afër te parlamenti. Dokumentari i Rai e ka vënë në siklet më shumë se 100 protesta Rithemelim apo një forcë tjetër në 2 vite. Ekspozoi numrin dy të qeverisë që hynte duke qeshur te Rama.'

Sakaq, Spahiu shikon një paralelizëm të marrëveshjes së Ramës me Melonin, me atë që ka bërë Berisha për iraninanët muxhahedinë të cilët janë në Manëz.

'Të dy qeveritë, Berisha dhe Rama, kanë treguar seriozitet në raport me perëndimin. Në subkoshiencën  e liderit të opozitës kjo është arsyeja e devijimit të opozitës. Ka dhe një marrëveshje me subjekte politike të së djathtës italiane që të bëj një sy qorr dhe vesh shurdh lidhur me marrëveshjen. Ata mund të kishin aksion më radikal por vetë Berisha është i bindur se çfarë efektesh ka në perëndim. Kanë përfituar gjithë vendet e BE-së. E gjithë furtuna mediatike se turizmi do shkatërrohet është anomali mediatike. Manza është afër me Lalëzin dhe nuk e kanë penguar. Në Lezhë nuk është kryer asnjë vepër penale nga ardhja e afganëve.'

Ndërkohë Spahiu shton se nëse Shqipëria hyn në BE, në vend do të hapen 2000 kampe refugjatësh pasi do bëhet porta e parë hyrëse për afrikanët dhe refugjatëve, teksa sipas tij ka edhe mjaft disavantazhe për ne nëse futemi në BE dhe nuk është se do shndërrohemi në Gjermani, ndërsa vlerëson se: Çudia e kampit afrikan do zgjas 3 ditë, aq sa e kampit iranianve apo afganve.

Rendit zhvillimet sipas orarit:

Të Fundit Të Parat