Qeveria strategji për kthimin e Diasporës, Kulluri: Njëri në 'bunker' e tjetri në vila, sa të jenë këta nuk kanë për t'u kthyer

Edvin Kulluri

Ish-anëtari i Këshillit Kombëtar të PD-së, Edvin Kulluri ka reaguar duke shpërndarë lajmin e shqiptarja.com në lidhje me planin e qeverisë për kthimin e shqiptarëve të Diasporës. Duke iu referuar të dhënave të fundit të INSTAT, qeveria shqiptare po harton një plan ku thuhet se do të aplikohet kthimi vullnetar i emigrantëve të kualifikuar, por Kulluri shkruan se ata që i larguan shqiptarët, nuk mund t'i kthejnë dot. Sipas tij, i vetmi shqetësim që kanë është pasurimi i vetes dhe klientelës që i rrethon. Kulluri thekson se as strategjitë e Ramës dhe as përbetimet e Bashës nuk janë zgjidhje por zvarritje në llumin që kanë gatuar vetë.

Postimi i Edvin Kullurit:

Ata që i larguan shqiptarët, nuk mund t'i kthejnë!
PS nuk del dot nga qerthulli i mediokritetit! Qasjet NGO-iste ndaj shpopullimit janë propagandë e dobët dhe e pakuptimtë. Të rinjtë dhe profesionistët nuk kthehen nëse nuk zgjidhen problemet strukturore të barazisë dhe sigurisë ligjore. Kapitali i brendshëm dhe aq më tepër ai i jashtëm nuk mund të investohet në një ambient të korruptuar dhe te pasigurtë! Pa sigurinë e pronës dhe pa gjyqësor të drejtë nuk ka dhe s’mund të ketë as të tashme e as të ardhme ekonomike dhe mundësi për të pasur një jete normale. Këto dy çështje elita politike i mban zvarrë dhe i saboton për shkak të monopolit dhe kontrollit qe duan mbi ekonominë dhe sistemin politik si mjeti i domosdoshëm! Qeveria e majtë as në traditë e as në perceptimin aktual nuk ka qasje ndaj pronës dhe barazisë para ligjit! I vetmi shqetësim që kanë është pasurimi i vetes dhe klientelës që i rrethon, pra një grusht njerëzish!
Në anën tjetër opozita nuk ka asnjë qëndrim serioz për këto dy cështje! Kupola e saj është me prejardhje mediokër ekonomike, ndersa per drejtesine as ka pasur e as ka një propozim alternativ ndaj reformës së nisur në 2015! Po ashtu, janë klientë të së njëjtës konjukturë ekonomike qe ka mbyllur hapësirat për biznesin dhe shtrese e mesme!
Ndaj “sherri politik” mes palëve është i stisur dhe jo vet qe nuk behet në emër të qytetarëve por i largon ata me neveri nga ky vend! Ata janë të papërfaqësuar! Kushdo që u del kundër këtyre që drejtojnë bëhet pis me shpifje dhe gënjeshtra për korrupsion ndërkohë që këta janë kampionet e korrupsionit! As strategjitë e Ramës dhe as përvetimet e Bashës nuk janë zgjidhje por zvarritje në “llumin” qe kanë gatuar vetë! Njeri në “bunker” e tjetri në vila, bëjnë sikur përplasen për shqiptarët që po ikin! Në fakt shqiptarët po ikin prej tyre, e sa të jenë këta nuk kanë për tu kthyer!

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fakulteti: 08/08/2020 19:19

    Sa te vish ti Dukagjot kelyshi i Ylli Spangos ne pushtet do khehet diaspora. Ne nje vend me drejtesi te pavarur ti do ishe ne burg tani per zullumet ne Ministrine e Mbrojtjes. Apo kujton se te eshte mbyllur dosja e helikopterit te FA qe ule ne bahcen e Bamirit.

    Përgjigju
  • Sondazhi i ditës:

    Vaksinim administratës e punonjësve të qendrave tregtare deri më 31 dhjetor dhe dozë e tretë për mbi 18-vjeçarët! Jeni dakord me vendimet e Komitetit?



×

Lajmi i fundit

John

Tragjedia në Bullgari/ Detaje të reja nga ekspertiza: Një aksident më parë kishte dëmtuar barrierat e autostradës, në zonë mungon sinjalistika e duhur