Në Facebook ka shumë gjëra me vlerë që mund të shohësh: njerëz që punojnë, prodhojnë, zbukurojnë: djem e vajza që krijojnë, udhëtojnë në çdo cep të Shqipërisë. Faqja “Mokra jonë e bukur” është një perlë shqiptare që në çdo stinë, dimër, verë a pranverë, sjell freskinë e atyre anëve të bukura, të thjeshta të Shqipërisë. Sjell peisazhe, fshatra, shtëpi që shkëlqejnë në varfërinë dhe dinjitetin e një krahine të bukur.
Mëngjesin e kësaj të martë të ftohtë janari publikoi foton e mësues Maliq Torrës me cantën në një krah dhe një tufë të madhe shkarpash në krahun tjetër, në mes të dëborës, rrugës për në shkollë. Foton e pashë të ripublikuar nën alarmin e një skandali të madh nga miq në facebook që e mendojnë ndryshe nga unë, (prandaj ka vlerë cdo miqësi, e nga cdokush mund të mësojmë), e falë këtij publikimi u njoha dhe me faqen e mrekullueshme “Mokra jonë e bukur” të cilën do ta ndjek me kënaqesi që sot për bukuritë e mëdha që shpërndan.
Bashkia e Pogradecit, e shqetësuar, vrapoi të sqaronte se “shkollat e zonës së Mokrës kanë furnizim me dru dhe se shkarpat, mësues Maliqi, i përdor vetëm për të ndezur zjarrin”. Edhe vetë mësuesi flokëbardhë, me hir a pa hir, i parë në qendër të vëmendjes që nga ish-Presidentë, ish-mësues, ish-këshilltarë, ish-doganierë, ish-tatimorë e të gjithë ishët e Shqipërisë së mobilizuar në ethe fushate zgjedhore për t’i dhënë fund, më në fund, statusit të trishtë “Ish”, tha se “ato shkarpa i përdor vetëm për të ndezur zjarrin për nxënësit e tij”.
Shpresojmë shumë. Urojmë nga zemra që mësuesi t’i thotë këto fjalë se kjo është e vërteta e tij dhe se nuk është kërcënuar se do të mbesë pa punë, apo që vendin e tij në Mokrën e largët ta dëshirojë ndonjë tjetër që ka dhënë nja 2 mijë apo 3 mijë euro për një vend pune në administratë (ishte kjo metoda e “tireve” rreth administratës apo jo?)
E ndërkohë ta pranojmë, ajo foto është një mesazh dashurie për të gjithë ne, e sidomos për disa të rinj që i bëjnë bisht punës edhe në të ngrohtë. Një mësues, në të kaluar të viteve të tij që shqetësohet të mbledhë shkarpat e holla e të thata që zjarri në stufat e klasës të ndizet sa më shpejt dhe sa më mirë. Eshtë një foto që vjen si një mesazh nga e shkuara për të tashmen: Puna, shkarpat, dashuria për të bërë një gjë të mirë nuk janë turp dhe as skandal. Çdo shkarpë në krahët e mësues Maliqit është simbol, e kunja në brinjë të kujt nuk ka bërë e nuk po bën punë që të mësohet ngrohtë e me kurrizin drejt në çdo cep të Shqipërisë. Kohë e humbur në gjithë këto 30 dimra të gjatë.
Lajme të tjera
-
Sistemi i ngrohjes bllokon godinën e re të gjimnazit në Kukës, nxënësit mësim me turne, dalin në protestë! Edhe në Lezhë s’punon kaldaja
5 Dhjetor 2023, 16:30
-
'Mokra n’fest', Rama: Dy ditë fantastike të mbushura me aktivitete dhe muzikë
17 Gusht 2023, 16:24 -
Denoncon deputetja e PL-së: 90% e shkollave në rang vendi janë pas sistem ngrohje! Në parlament të miratohet sa më parë buxhet shtesë
9 Shkurt 2023, 15:53 -
Elbasan/ Gjimnazi pa ngrohje, nxënësit blejnë reflektorë! Të vegjlit për Report Tv s’i kursejnë batutat: Na mbetet të përqafohemi për tu ngrohur
9 Shkurt 2023, 15:50
-
U mbyllën shkollat prej temperaturave të ulëta, Ministria e Arsimit zbulon data: Ja kur do të zëvendësohen orët e humbura
31 Mars 2022, 21:00 -
Shkollat në Vlorë pa ngrohje, pezullohet mësimi! Nxënësit e shkollës 'Pavarësia': Na thanë ikni se është ftohtë
28 Janar 2022, 17:16
-
Ikën i ftohti ekstrem, nxënësit dhe mësuesit në të gjithë vendin kthehen në shkolla! Pritet vendimi për zëvendësimin e orëve të humbura
27 Janar 2022, 07:16 -
Pas 3 ditësh pezullim të mësimit prej temperaturave të ulëta, nesër të gjithë nxënësit dhe mësuesit kthehen në shkolla! Ministrja e Arsimit: Ja pse nuk u mbyllën kopshtet dhe çerdhet
26 Janar 2022, 14:23 -
Ministrja e Arsimit: 1100 mësues dhe 1600 nxënës me COVID! Shkollat u mbyllën për shkak të rrezikut që haste nxënësi nga shtëpia në shkollë, jo për mungesën e ngrohjes
24 Janar 2022, 13:41 -
Mungesa e ngrohjes në shkolla, protestë para Ministrisë, aktivistë dhurojnë ngrohëse: Mësuesit kanë frikë të thonë 'kemi ftohtë'! Koha e regjistrit dixhital dhe e shkollave pa dyer e dritare
24 Janar 2022, 10:09 -
Mbyllja e shkollave për 3 ditë, reagon PD: Dështim në sistemin e ngrohjes, vendimet gjysmake të Ministres së Arsimit bien në kurriz të prindërve shqiptarë
23 Janar 2022, 13:16 -
Probleme me ngrohjen, mbyllen shkollat në të gjithë vendin nga 24 deri 26 janar! Ministria e Arsimit: Temperaturat do të shkojnë deri në -17 gradë, orët do të zëvendësohen
20 Janar 2022, 13:21
