A do ta shpërndajë Meta kuvendin? I ftuar Kujtim Gjuzi

24 Shkurt 2020, 09:30

TIRANE- Deputeti i opozitës së re Kujtim Gjuzi deklaroi në studion e emisionit Repolitix në Report Tv me gazetarin Denis Minga se do të votojë pro shkarkimit të presidentit Ilir Meta duke argumentuar se pret që ai të rikthehet në krye të LSI-së, partisë që krijoi vetë. "Vota ime është shkarkimi i Ilir Metës nëse ai nuk jep dorëheqjen. Dorëheqja e tij jep mundësi që ai të drejtojë vetë atë parti që e ka krijuar vetë", tha Gjuzi. Gjuzi tha se Meta nuk ka asnjë shans që të shpërndajë parlamentin, "Nuk ka shans të shkarkojë parlamentin", deklaroi Gjuzi.

Ai deklaroi se presidenti Meta duhet të japë llogari për vjedhjen e thesarit të Krrabës, duke e akuzuar atë se është "i mbuluar në flori"Ky është flori komplet. Ai duhet të japë llogari për thesarin e Krrabës. Duhet të shikojë punën e vet atje në presidencë. Rama këtu e ka atë frikën. Unë jam nga kundërshtarët e hershëm të Ramës.  Opozita ishte në parlament. 5 milionë shqiptarë kanë sytë aty. Rama është inteligjent. Njeh disa gjuhë të huaja. Lulzim Basha ka ikur. Me këtë Lulzim Bashën ai ndërron letra qeverie. U mor një ditë me Rudina Hajdarin. Nuk mund të sulmojë një mashkull një zonjë. Sulmoi ca herë nënkryetarin e parlamentit. Por unë prapë nuk e lë pa e sulmuar", tha Gjuzi.