Në përditshmërinë tonë të ngarkuar, shpesh ia atribuojmë çdo shenjë lodhjeje, pagjumësie, nervozizmi apo rënieje të flokëve stresit të jetës moderne. Megjithatë, pas këtyre simptomave që duken të zakonshme mund të fshihen shkaqe më të thella, mungesa e vitaminave dhe mineraleve thelbësore për funksionimin e trupit. Organizmi ynë komunikon vazhdimisht me ne përmes sinjaleve, por shpesh ne i neglizhojmë ose i keqinterpretojmë ato. Sot së bashku me nutricionistin dhe ekspertin holistik Altin Joka në "Rreze Dielli" do të hedhim dritë mbi mungesat e mineraleve më të domosdoshme dhe shenjat që trupi dërgon, për të kuptuar më mirë se si balanca ushqyese ndikon në energjinë, gjendjen shpirtërore dhe mirëqenien tonë të përgjithshme.