Byrek me patate dhe kunguj të njomë

Përbërësit:

• 7 petë byreku
• 100 ml qumësht
• 1 vezë
• 3 lgj vaj ulliri
• 350 gr patate
• 250 gr kunguj të njomë
• 100 gr djathë
• Kripë, piper
• Pak gjalpë

Përgatitja:

Rrahim vezën me qumështin dhe pak kripë. Përgatisim mbushjen: patatet dhe kungujt i grijmë në rende dhe i kavardisim për disa minuta në tigan me pak gjalpë. Shtojmë kripën, piperin dhe djathin. Në një tigan të lyer me gjalpë shtrojmë petën e parë. E spërkasim me përzierjen vezë-qumësht. Vendosim 2 petë të rrudhosura dhe i lagim lehtë. Shtrojmë mbushjen, e mbulojmë me petët e tjera dhe i spërkasim sërish. E pjekim byrekun në tigan me kapak të mbyllur ose në furrë derisa të marrë ngjyrë të artë nga të dyja anët.