Mantija me qepë dhe mish
Përbërësit:
Për brumin:
- 500 gr miell
- 250 ml ujë
- 1 lç kripë
Për mbushjen:
- 250 gr mish i grirë
- 3 kokrra qepë
- 2 lgj vaj ulliri
- Piper i kuq
- Kripë, piper i zi
Përgatitja:
Fillimisht zemë brumin duke vendosur në një tas miellin, ujin dhe kripën. E lemë brumin të pushojë.
Ndërkohë kaurdisim qepët së bashku me mishin e grirë. Sapo qepa të bëhet transparente shtojmë pak ujë dhe e lemë mishin të ziejë. Rregullojmë shijen me kripë dhe erëza sipas dëshirës.
Ndërkohë që mbushja ftohet hapim një petë të madhe. E ndajmë petën në katrorë ku në secilin katror vendosim nga një lugë kimë. I vendosim mantijat në një tavë, i lyejmë me furçë me yndyrë dhe i vendosim të piqen në furrë të parangrohur në temperaturën 200 gradë Celsius për 40 minuta.
