Një histori e cila shkon përtej normales është kjo që do të vijë e rrëfyer nga një 52-vjeçare nga Fieri, Aida Raço, nënë e 3 fëmijëve. Jeta e saj nis me sekrete që në lindje…Borziloke nëna e saj ishte e martuar me Hasan Arapin në kohën kur nisi një lidhje jashtëmartesore me doktor ku punonte si infermiere në Tiranë. Të dy nisën të jetonin bashkë ndërsa Borziloke mbeti shtatzënë. Më pas Hasani i kërkoi të kthehej në shtëpi ndërsa pranoi faktin që e shoqja priste një fëmijë të tjetër kujt. Të dy u ribashkuan ndërsa në jetë erdhi Aida, personazhi jonë. Hasani i dhuroi dashuri si të ishte gjaku i tij. Për shkak të një problemi me frymëmarrjen, Aida shpesh vizitohej në Tiranë tek doktori pa e ditur se ai ishte babai i saj biologjik, por këtë gjë ajo e zbuloi pasi mbushi moshën 18 vjeç, ndërsa ai ndërroi jetë. Për shkak se çifit Arapi nga Fieri dëshironin një djalë, ata birësuan Ajetin në moshën 2 vjeçare, por pasi ai u rrit nisën kofliktet me familjen pasi ai nuk i donte sepse nuk ishin gjaku i tij. Sipas Aidës, e vetmja gjë që Ajeti kërkonte ishte të merrte pronën e familjes Arapi. Në vitin 1996 Aida u martua me Filip Raçon ku gjithashtu konfliktet në familje vazhdonin. Silvana Kiptiu, vajza e hallës së aidës, nisi një lidhje dashurie me burrin e kësaj të fundit Filipin. Për shkak se të dy donin të largoheshin në Greqi, nëna e Aidës, Borzilokja debaton ashpër me të që kjo gjë mos të ndodhte. Sipas Aidës, ishte viti 1997 kur Silvana në bashkëpunim me Ajetin kanë helmuar nënën e saj, Borziloken. Kjo e fundit shkoi për të konsumuar një kafe në shtëpinë e Silvanës ku më pas ajo shfaqi probleme ndërsa 3 ditë ka qenë me të vjella dhe temperaturë 40 nga e cila ndërroi jetë. Sipas analizave toksikologjike e ndjera rezulton të jetë helmuar.Por historia tronditëse e Aidës nuk mbaron me kaq. Ajo shpesh është dhunuar nga vajza e hallës së saj në ambjentet e shtëpisë në mënyrë ç’njerëzore dhe ende ndihet e rrezikuar prej saj.5 muaj më parë, më datë 4 janar të 2024 edhe bashkëshorti, Filip Raço gjithashtu ka ndërruar jetë ku sipas Aidës shkak është helmimi nga Silvana pasi për herë të fundit ai njësoj si e ëma e Aidës, ka konsumuar kafe tek shtëpia e vajzës së hallës së saj.Edhe pas vdekjes së të shoqit, ajo është dhunuar nga Silvana dhe për të gjitha këto ndodhi që i kanë ardhur si pasojë e Silvanës dhe Ajetit, ka bërë kallëzime të ndryshme në prokurorinë e Fierit, por çështja është pushuar duke mos u marrë asnjë masë. Për këtë arsye Aida vjen në studion e emisonit “Pa Gjurmë” për të denoncuar hitsorinë tronditëse të jetës së saj dhe për të gjetur një zgjidhje