Në vitet e fundit, farat janë shpallur “superushqime” dhe kanë zënë një vend gjithnjë e më të madh në kuzhinat tona, pasi janë të pasura me fibra, yndyra të shëndetshme, proteina dhe minerale. Farat si chia, liri, susami, kungulli e shumë të tjera shtohen çdo ditë në kos, smoothie, sallata apo bukë, shpesh pa u menduar dy herë. Por a po i konsumojmë vërtet siç duhet? A po përfitojmë nga vlerat e tyre ushqyese, apo po i përdorim në mënyrë të gabuar, duke humbur përfitimet dhe ndonjëherë duke i kthyer në një “super gabim”? Me nutricionistin Altin Joka ekspert i mjekësisë holistike, tregojmë në "Rreze Dielli" mënyrën e saktë të konsumimit të farave, mitet që i shoqërojnë dhe gabimet më të shpeshta që bëjmë pa e kuptuar, pasi përdorimi i tyre pa përgatitjen e duhur, në sasi të papërshtatshme ose në kombinime jo korrekte, mund të ulë përthithjen e lëndëve ushqyese dhe madje të shkaktojë edhe shqetësime shëndetësore.