Elida Tahiraj është një 58-vjeçare nga Berati, e cila ka një konflikt me një familje fqinje, konflikt për të cilin nuk po mundet të gjej dot zgjidhje as në polici. Sipas saj, familja Zela futet në shtëpinë e saj kur 58-vjeccarja nuk ndodhet aty dhe vjedhin sendet personale. Gjithashtu ata i bllokojnë rrugën dhe e ofendojnë, nuk e lejojnë Elidën të kalojë për të hyrë në shtëpinë e saj. Elida është vajza e vetme mes 4 djemve të familjes Tahiraj. Ajo kurrë nuk krijoi familjen e saj pasi iu përkushtua kujdesit të prindërve dhe të një vëllai që kishte probleme shëndetësore. Fatkeqësisht në këtë familje prindërit dhe djali i sëmurë kanë ndërruar jetë disa vite më parë, ndërsa Elida sot jeton e vetme në atë shtëpi ku ndihet e rrezikuar. Nga këto shqetësime që familja Zela i sjell vazhdimisht, Elida ka bërë disa herë denoncim në komisariatin e Beratit por nuk është gjetur asnjë zgjidhje. Prandaj ajo sot kërkon ndihmën e emisionit “Pa Gjurmë” për të ngritur zërin dhe për të kërkuar të drejtën e saj.