Këtë të shtunë në 'Klinika 24' trajtohen dy tema të rëndësishme që lidhen drejtpërdrejt me shëndetin dhe mirëqenien: diabeti, obeziteti dhe kujdesi për flokët. Në pjesën e parë të programit, e ftuar në studio do të jetë endokrinologia e Spitalit Amerikan 3, dr. Mirjeta Guni, e cila do të flasë për diabetin dhe obezitetin, dy probleme shëndetësore që po prekin gjithnjë e më shumë edhe moshat e reja. Pse po shtohet obeziteti? Si kanë ndryshuar trajtimet moderne me terapitë e reja, si Ozempic dhe Mounjaro? Sa efektive janë këto medikamente dhe pse përdorimi i tyre pa kontroll mjekësor mund të kthehet në rrezik për shëndetin? Në pjesën e dytë, rubrika 'Fjala i takon farmacistit' do të ndalet te kujdesi për flokët. Rënia e flokëve lidhet gjithmonë me vetë flokun, apo mund të jetë sinjal i mungesës së vitaminave, mineraleve dhe stresit? Çfarë roli kanë suplementet, analizat dhe produktet lokale në trajtimin e këtij problemi? Gjithashtu, në studio do të tregohet edhe mënyra e përgatitjes së një shampoje.