Gjoks pule në qumësht

Përbërësit:

• 500 gr gjoks pule
• 100 ml qumësht
• Miell për pudrosje
• 1 lugë gjalpë
• Kripë, piper, trumzë

Përgatitja:

Filetojmë gjoksin e pulës dhe i rrahim fetat me një zbutës mishi në mënyrë që të jenë të gjitha me të njëjtën trashësi. I lyeni me miell duke shkundur miellin e tepërt.

Shkrijmë gjalpin në një tigan që nuk ngjit, më pas shtojmë fetat e pulës dhe i skuqim mirë nga të dyja anët. Në fund shtojmë qumështin, ulim zjarrin dhe i lemë të ziejnë derisa qumështi të bëhet kremoz. Rregullojmë shijen me kripë, piper dhe trumzë të freskët dhe e shërbejmë.