Kallamarë të mbushur

Përbërësit:

• 8 kallamarë të pastruar
• 100 gr oriz
• 10 kokrra kaperi
• 10 ullinj
• 1/2 spec i kuq
• 150 ml verë e bardhë
• 3–4 thelpinj hudhër
• 200 gr djathë
• Kripë, piper
• Majdanoz i freskët

Përgatitja:

Ziejmë orizin fillimisht. Kur orizi të jetë zier, shtojmë specin e kuq të prerë në kubikë të vegjël, ullinjtë e copëtuar, kaperin, majdanozin, kripën dhe piperin. Me këtë masë mbushim kallamarët dhe i mbyllim me shkopinj të vegjël. Kallamarët i skuqim në vaj ulliri bashkë me hudhrën e shtypur. Pasi të marrin ngjyrë, shtojmë verën e bardhë dhe djathin. I mbulojmë me kapak dhe i lëmë të ziejnë edhe 4–5 minuta. I shërbejmë menjëherë me salcën e krijuar nga kallamarët dhe nga vera e bardhë.