Dy vajzat e mitura i braktisi në vitin 2015, ditën që vendosi të largohej papritur. 33- vjecarja Suela Gjona kishte shkuar në shtëpinë e prindërve dhe në dhomën e kunatës kishte marr të gjitha bizhuteritë me vlerë. Historia e zhdukjes së Suelës mbetet e veshur me mister. Ajo ishte martuar prej vitit 2008 në fshatin Podgorie të Korçës me Nelsi Poçka. 5 vite më pas, i shoqi i zbulon tradhëtinë dhe e dëbon nga banesa. Ajo u strehua për 6 muaj tek prindërit e saj, për t'u rikthyer me bashkëshortin në Vlorë, në një shtëpi të marr me qira. Me kthimin e saj në shtëpi dukej se marrëdhënia mes tyre ishte drejt përmirësimit, deri më 27 qershor të vitit 2015, kur pasi lë 2 vajzat tek prindërit duke u thënë se do të kthehej, Suela ikën pa dhënë shume sqarime. Kaluan dy vite nga ai moment dhe vajzat e mitura qëndruan me gjyshërit. Pas divorcit të ciftit në vitin 2017, gjykata i lë kujdestarinë babait, i cili aktualisht kujdeset për to. Edhe pse i ndarë ligjërisht nga vajza e tyre, Nelsi nuk i ka ndaluar kurrë të bijat të shkojnë tëk gjyshërit, të cilët nuk dinë cfarë përgjigje t'u japin kur ato kërkojnë nënën e tyrs. Dyshimet nga familjarët mbeten tek një lidhje dashurie e mundshme që sipas tyre ka shtyrë Suelën të marr këtë vendim, për të mos u bërë e gjallë për afro 8 vite me radhë.