#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni çdo të hënë, të martë, të premte në orën 16:55 dhe çdo të enjte në orën 20:55 në ekranin e Report Tv Divorci i prindërve nga Tirana që ndodhi në vitin 1991 mbajti larg-njëri-tjetrit dy vëllezër. Jo vetëm, ngjarjet që ndodhën më pas vijnë të rrëfyera nga njëri prej djemve ai i cili sot është në kërkim të nënës së tij. Martesa e parë e Sofies e cila solli në jetë dy djem dështoi pas 10 vitesh, kur për djalin më të madh kujdestarinë e mori babai, ndërsa djali i dytë qëndroi më nënën. Ajo i rimartua me një tjetër person, me të cilin kshhte patur ndërkohë një lidhje jashtëmartesore. Për pak vite, djali i vogël jetoi me nënën dhe njerkun e tij deri kur ky i fundit ndërroi jetë. Kjo detyroi djalin e vogël 16 vjec asokohe, të kthehej tek shtëpia e babait biologjik ndërsa nëna në maj të vitit 1997 vendos të emigrojë drejt Greqisë. Këtu ku edhe nis një tjetër jetë e re për të. Një martesë e tretë për nënën e dy djemve, po kësaj here me një shtetas grek. Mesa duket nuk ishte e thënë që për Sofien fati të ishte në krahun e saj, pasi kësaj martese do t’i vinte fundi me ndrajen nga jeta pas 6 vitesh të bashkëshortit të tretë, shtetasit grek, vdekja e të cilit la një konflikt të hapur mes gruas shqiptare dhe vëllezërve të tij për ndarjen e pasurisë. Ndërsa nëna kalonte vështirësi në tokën helene dy djemtë e saj kërkonin të kishin kontakte me nënën, kontakte të cilat u rilidhën në vitin 2003. Nëna telefonte nga Pireu i Greqisë djalin e saj të vogël me numër privat, komunikim i cili zgjati për tre vite me radhë, deri në 2006. Nga ky vit e deri më sot nënë e bir, u ndanë sërish. I biri 38 vjec vjen në studion e emisionit ’Pa Gjurmë’ në kërkim të nënës së tij, 57 vjecares, me të cilën u nda fizikisht 23 vite më parë.