Biftek në grill me garniturë perimesh

Përbërësit:

• 4 biftek
• 10 kokrra piper jeshil
• 4 thelpinj hudhër
• 150 ml lëng portokalli
• 150 ml vaj ulliri
• 1 lç sheqer
• 2 lç kripë
• 1 lç koriandër
• Trumzë

Garnitura e perimeve:

• Lakër e bardhë
• 3 karrota
• 1 qepë
• 3 bishta qepësh
• 2 lgj soja
• 3 vezë
• Kripë, piper

Përgatitja:

Fillimisht shtypim kokrrat e piperit së bashku me koriandrën. Shtojmë kripën dhe trumzën. Lëngun e portokallit, vajin, hudhrën, kripën dhe sheqerin i kalojmë në një blender. Shtojmë dhe erëzat e shtypura dhe me këtë salcë marinojmë mirë biftekët nga të gjitha anët dhe i vendosim të piqen në grill.

Ndërkohë lakrën e bardhë e grijmë hollë, ndërsa karrotën e presim në fije. Shtojmë në një tigan vezët e rrahura me pak yndyrë e përziejmë në skuqje dhe e largojmë vezën nga tigani. Në po atë tigan shtojmë qepën e perë në kubikë sikurse dhe 2 bishta qepësh. Shtojmë lakrën dhe karrotën, rregullojmë shijen me kripë dhe piper dhe pasi perimet të jenë kaurdisur i bashkojmë me vezët e skuqura duke shtuar për shije dhe pak uthull balsamike ose soja.