Një 27-vjeçare nga Lushnja kërcënohet dhe shantazhohet nga ish-i dashuri se do t’i publikoj fotot e saja në rrjetet sociale. Pasditen e sotme në studion e emisionit ‘’Pa Gjurmë’’, Ana do të denoncoj shantazhuesin e saj 30-vjeçar nga Korça që prej 2 vitesh jeton në Australi. Ana ishte vetëm 19-vjeç kur u njohëm me anë të rrjeteve sociale me djalin nga Korça. Paralelisht, ajo ishte e martuar dhe nëna e një vajze të vogël. Pas 2 mujash, bashkëshorti i 27-vjeçares e zbulon lidhjen e gruas së tij me 30-vjeçarin. Ana i jep fund marrdhënies me të riun nga Korça. Ndërsa bashkëshorti i jep një mundësi të dytë Anës për hir të vajzës së vogël duke e falur atë. 27-vjeçarja mendoi se historia me të kishte marrë fund por kalvari i vuajtjeve për të sapo kishte filluar. Ish- i dashuri i saj filloi ta kërcënonte duke i thënë se do të postonte fotot e tyre të përbashkëta në momente intime në rrjetet sociale. E ndodhur në këtë udhëkryq Ana e takonte fshehurazi ish-të dashurin me frikën se imazhet e saj do të bëheshin publike. Para dy viteve 30-vjeçari emigron në një kontinent të largët në Australi, por shantazhet ndaj të resë nuk do të përfundonin. Ai vazhdon ta shantazhojë me mesazhe fyese dhe tone kërcënuese. 27-vjeçarja ia ka bërë disa herë të qartë atij, se raporti mes tyre ka mbaruar, por ky i fundit nuk e pranon.