Pastiçe bolonjeze me beshamel

Përbërësit:

• 500 gr makarona spageti
• 600 gr mish i grirë
• 1 qepë mesatare
• 1 kungulleshë
• ½ spec i kuq
• ½ spec i gjelbër
• ½ lugë çaji spec i thatë i bluar
• ½ lugë çaji hudhër e thatë
• ½ lugë borzilok i thatë
• 500 ml salcë beshamel
• 50 gr djathë parmixhano
• 30–40 gr djathë kaçkavall
• Kripë, piper i zi

Përgatitja:

Qepën e ndajmë në copa të imëta dhe e kaurdisim në vaj ulliri. Shtojmë perimet e tjera të prera në kubikë të vegjël. Pasi skuqen, shtojmë mishin e grirë dhe e kaurdisim mirë. Në fund shtojmë erëzat. Ndërkohë në ujë me kripë ziejmë makaronat. Pasi ziejnë, i përziejmë me salcën beshamel dhe djathin parmixhano. Gjysmën e makaronave e shtrojmë në tepsi, shtojmë salcën me mish sipër. E mbulojmë me pjesën tjetër të makaronave dhe sipër hedhim djathë kaçkavall të grirë. E vendosim tavën në furrë në 200°C derisa të shkrijë djathi dhe të marrë ngjyrë të bukur.