Përdorimi dhe efektet kuruese të propolis!

21 Dhjetor 2020, 11:48

Propolisi është një nga medikamentet më të vjetra e më të njohura nga njerëzimi. Në një intervistë në ‘’ Rreze Dielli’’  u ndalëm më gjatë tek vetitë kuruese të këtij produkti me sipërmarrësin Stefan Dhimitri, i cili  u shpreh se përpos mjaltit, janë edhe tre përbërës të tjerë që kanë veti shumë të mira kurative për sëmundje të ndryshme të organizmit:

‘’ Kryesisht janë tre elementë që dalin nga kosherja, pra përpos mjaltit kemi qumështin e bletës, që është prodhimi më rigjenerues për gjithë trupin e njeriut, kemi propolis dhe polemi dhe ky një element shumë I rëndësishëm në kurimin e disa prej shqetësimeve shëndetësore që mund të ketë njeriu’’ tha ai.

Ai theksoi mbi të tjerat vetitë kuruse të propolisit si një ilac për shuë nga shqetësimet shëndetësorë që mund të ketë secili nga ne:

‘’ Vetë fjala propolis është një fjalë e greqishtes së vjetër, pra për të thënë që ky produkt njihet nga njeriu shumë shumë herët, që në kohën e Aristotelit. Vazhdon edhe sot në kohët modern propolis të përdoret si një nga lëndët kurative më efikase dhe mbi të gjitha natyrore pa efekte sekondaredhe me një efekt të menjëhershëm të shërimit të dukshëm. Eksizton në disa forma, mund të përdoret që në formën natyrore duke e mbajtur në gojë, një copë të vogël propolis që është natyrë e pastër. Në këtë mënyrë mund të ndikojë shumë në gjithë ruajtjen e pasurisë të brendshme të gojës, po kështu e gjithë higjiena orale e gojës është shumë e mbrojtur duke përdorur propolis. Atëherë propolis është një lëndë të cilën bleta vete dhe e gjen në natyrë tek sythet e pemëve, tek lëkura e disa pemëve, dhe e merr dhe e con në kosheren e vet. Bleta e merr për të ruajtur habitatin e vet, kosheren e vet, nëpërmjet propolisit bëhet izolimi i kosheres që të ruaje temperaturën konstante të nevojshme për kosheren, e ruan nga lagështia’’ u shpreh ai.

Por nga çfarë përbëhet propolis, që përmban kaq shumë veti kuruese për sëmundje të ndryshme në organizëm ?

‘’ Ai ka 55% rrëshirë, 35% e ka dyll, 5 % e ka polem dhe pjesa tjetër ka substanca të tjera ushqyese. Por vlerat kryesore të propolisit anti-septike, antibakteriale , anti-virusale dhe kurative. Cdokush ka pasur rastin që të ketë një prerje të dorës të lehtë, me një pikim të propolist sipër ajo jo vetëm që e shëron por edhe nuk le asnjë gjurmë, e rigjeneron atë pjesën e lëkurës që është dëmtuar nga prerja.