Shalqiri është një nga frutat më të preferuara të verës, freskues, i shijshëm dhe i pranishëm pothuajse në çdo tryezë gjatë ditëve të nxehta. Por përtej shijes së ëmbël dhe përmbajtjes së lartë të ujit, ai fsheh edhe një sërë vlerash ushqyese që shumë njerëz nuk i njohin. Sa i dobishëm është shalqiri për organizmin? Cilat janë përfitimet e tij për hidratimin, zemrën dhe shëndetin në përgjithësi? Dhe mbi të gjitha, si mund të dallojmë një shalqi të mirë, të pjekur dhe cilësor mes dhjetëra produkteve që gjejmë në treg? Për t'iu përgjigjur këtyre pyetjeve, flasim me nutricionistin Altin Joka, për vlerat e fshehura të shalqirit, mitet dhe të vërtetat rreth konsumit të tij, si dhe këshillat praktike për të zgjedhur gjithmonë shalqirin më të mirë.