Publikim të dhënave të publikuara nga hakerat? E ftuar Klotilda Bushka

3 Tetor, 20:52

A duhet t’i publikojnë mediat të dhënat të cilat janë nxjerrë nga një sulm kriminal kibernetik ndaj Shqipërisë? Analisti Lorenc Vangjeli ka qenë shumë i prerë sot në ‘Kontrast’ në Report Tv se vendimi për një çështje të tillë është jo vetëm profesional por edhe patriotik.Sipas tij vendi është në një luftë, ndaj edhe sjellja e gjithkusht duhet të jetë si në një situatë lufte. Në të njëjtën linjë ishte edhe deputetja Klotilda Bushka e cila nënvizioi se minimalisht mediat do të duhet të verifikojnë informacionet. “Ne jemi në një luftë. Nxjerrja e lajmeve të tilla, që dalin nga informacione të dala nga armiq. Kolegë tuaj kanë bërë lajme dhe postime duke i bërë thirrje njëri-tjetrit që të mos publikojnë lajme pa interes publik. Përsa kohë dalin autoritet zyrtare dhe e përgënjeshtrojnë këtë dhe thonë që nuk është kështu e vërteta, gazetarët duhet të verifikojnë së pari dhe pastaj të vendosin. Duke i publikuar pa verifikim është pastaj të mos duash vendin tënd”, tha ajo. Sot është publikuar një listë nga hakerat iranianë ku pretendohet se ishte një listë të dyshuarish për kriminelë të nxjerra nga listat e Policisë së Shtetit. Kjo është mohuar totalisht nga institucionet shtetërore.

Programe të tjera

    Nuk u gjeten video për këtë program!

Shiko të gjitha