Në një botë ku ushqimi lidhet gjithnjë e më shumë me shëndetin, peshën dhe jetëgjatësinë, zgjedhjet që bëjmë në pjatën tonë kanë rëndësi të madhe. Prej vitesh, mishi i pulës është promovuar si një alternativë më e shëndetshme krahasuar me mishin e kuq, duke u bërë zgjedhja kryesore për shumë njerëz që kërkojnë të ushqehen më mirë. Por a është kjo bindje e mbështetur nga faktet, apo thjesht një mit i përhapur nga tendencat dietike dhe industrisë ushqimore? A është vërtet mishi i pulës më i mirë për trupin tonë, apo po injorojmë disa të vërteta të rëndësishme rreth vlerave të mishit të kuq? Me nutricionistin Altin Joka shqyrtojmë në "Rreze Dielli" këtë dilemë, duke analizuar përfitimet dhe rreziqet e të dy llojeve të mishit, për të kuptuar nëse kemi të bëjmë me një fakt të provuar apo një ide të ekzagjeruar.